ලෝරා වෙයිස් අමෙරිකාවේ කොලරාඩෝ ප්රාන්තයේ සිටින විශ්රාමික හෙදියකි. කොරෝනා වසංගතය හේතුවෙන් ඇයට තාවකාලිකව තම විශ්රාමික දිවියෙන් ඉවත් වීමට සිදුවූයේ කොරෝනා ආසාදිතයින් ට ප්රතිකාර කිරීම සඳහා ඇයට ද සහභාගි වීමට අවස්ථාව ලැබීම නිසයි.
ඇයට අවශ්ය වූයේ මෙම වසංගතයේ අඳුරට මද ආලෝකයක් ලබා දීමට ය.
තම ප්රජාවට COVID-19 ට එරෙහිව දහස් ගණන් පුද්ගලයින් එන්නත් කිරීමට සගයන්ට උපකාර කිරීම සඳහා ඇය සිය දායකත්වය දැක්විය.
ඒ කාර්යය ද මනාව නිම කරන ඇය ලැබෙන අස්වැසිල්ලෙන් සුවපත් වන රෝගීන් දෙස බලා ලබන සතුට සමරනු ලැබුවේ හිස් වූ එන්නත් කුප්පි විශ්මය ජනක විදුලිපහනක් බවට පත් කරමිනි.
වසංගතයේ ඉදිරි පෙළේ සෞඛ්ය සේවා සේවකයින්ට සහ එන්නත ලබා ගැනීමට කැමති වූ කොලරාඩෝ හි සියලුම මිනිසුන්ට ගෞරවයක් වශයෙන් ඇය එය හැඳින්වෙන්නේ ‘ප්රශංසාවේ ආලෝකය’ ලෙස ය.
මේ වසරේ පෙබරවාරි සහ ජුනි මාසවලදී තමා සහ සගයන් විසින් පුද්ගලයින් 17,000 කට පමණ එන්නත් ලබා දුන් බව ලෝරා පවසයි. උච්චතම අවස්ථාව වන විට ඔවුන් දිනකට මිනිසුන් 1000 ක් පමණ එන්නත් කරමින් සිටියහ.
මෙම එන්නත් කුප්පි ගෙදර ගෙන යාමට අවශ්ය අවසරය ලබා ගැනීම සඳහා නිලධාරිවාදී පොරබැදීමක් සිදු වූ නමුත් අවසානයේ ඇය එයට කැමැත්ත ලබා ගත්තාය. ඇය සෑම බෝතලයක්ම පිරිසිදු කර, පසුව ඩොලර් 20 කට සොයා ගත් පැරණි චැන්ඩ්ලියර් රාමුවකට සවි කළාය.
අවසාන නිශ්පාදනය දැන් ඇගේ විසිත්ත කාමරයේ එල්ලෙමින් තිබේ. එය මීටර් 1.2 ක් පමණ උස සහ පළල මීටර් 0.9 ක් වන අතර හිස් මොඩර්නා බෝතල් 217 කින් සමන්විත වේ. ඉතා කුඩා ජොන්සන් ඇන්ඩ් ජොන්සන් කුප්පි දුසිම් ගණනක් ද එහි ඇත.
ඊළඟ විදුලි පහන ලෙස ඇය කුමක් කරයිදැයි ලෝරාට විශ්වාස නැත.
කෞතුකාගාර සහ වෛද්යවරුන්ගේ කාර්යාල ඇතුළුව ඒ සඳහා උනන්දුවක් දක්වන ආයතන කිහිපයකින් ඇයට මේ වන විටත් මෙම නිර්මාණය ඉල්ලා ඇමතුම් ගලාගෙන එයි. මෝඩර්නා හි නිෂ්පාදකයින් පවා ඇයව සම්බන්ධ කර ගෙන මේ පිළිබඳ ප්රශංසාව පළකර ඇත.
“එය පිටුපස ඇති අභිප්රායයට ගෞරව කරන තැනකට එය යාම මට වඩා වැදගත් ය.” ලෝරාගේ පිළිතුර එයයි.
