මනම්පිටිය නිමල් ජයරත්න –
තමන් එදා මාධ්ය ඉදිරියේ කෑ ගසා පාලන මිල ගැන සටන් නොකළා නම් අද මේ රටේ මිනිස්සුන්ට රුපියල් 350කට හෝ සහල් කිලෝවක් ගන්නට නොලැබෙන බව අරලිය සමූහ ව්යාපාරයේ අධිපති ඩඩ්ලි සිරිසේන පැවසුවේය.
ඔහු මේ බව ප්රකාශ කළේ අද පොලොන්නරුව සුදු අරලිය හෝටලයේ පැවති මාධ්ය හමුවක් අමතමිනි.
තවමත් අඩු මිලට ගත් වී තොග සඟවාගෙන සිටින සමහර සහල් මෝල් හිමියන්ගේ ක්රියාකලාපයට එරෙහිව පාරිභෝගික සේවා අධිකාරියේ එකෙක් හෝ තමන්ට ඇති නෛතික බලය ක්රියාත්මක නොකිරිම පිළිබඳව තමන්ට ඇත්තේ දැඩි කණගාටුවක් බව ඔහු පැවසුවේය. තමන්ගේ වී තොග පවතින තුරු හෝ මේ මිලට සහල් ලබා දෙන බවට ඔහු සහතික වුනේය.
“පාලන මිලට වැඩිය සහල් ගන්න එපා… මුං එක්ක ගේමම ඉල්ලන්න. අපි එකතුවෙලා සාමුහිකව මේ ප්රශ්නයට මුහුණ දෙමු. මා අද මේ තත්වයෙ ඉන්නෙ ගොවි ජනතාව නිසා. මේ රටේ බත් කන මිනිස්සු නිසා. මේ වගේ වෙලාවක මං කවදාවත් මිනිස්සු අත්හරින්නෙ නෑ. මාධ්ය සහෝදරවරු අපේ සටන කරගෙන යන්න උදව් කරන්න“
ඩඩ්ලි සිරිසේන පැවසුවේය. ඔහු මාධ්ය හමුව අමතමින් මෙසේ ද කීවේය.
“මම අපට වි දෙන ගොවියා ආරක්ෂා කරනවා. ඒ වගේම බත් කන ජනතාවත් ආරක්ෂා කරනවා. ජනතාවට ප්රශ්නයක් වූ අවස්ථාවේදී ඒ විදිහට තීන්දු තීරණ ගන්න ඕනේ. “
“ අපි සියල්ලම එකතුවෙලා සැප්තැම්බර් මාසය වන විට අලුතින් වෙළඳපළට එන වී නිෂ්පාදනය සඳහා හොඳ මිලක් නියම කරනවා. ගොවියාගේ වටිනාකම කවුරු දැන ගත්තත් නැතත් මම ගොවියා වෙනුවෙන් සාධාරණයක් ඉටු කරනවා. ගොවියා සහ පාරිභෝගිකයා නිසාත් තමයි මම මේ තත්ත්වයට ආවෙ. “
“රටේ ජනතාවට හාල් කිලෝ එකක් මිලදී ගන්න බැරි මොහොතක බත් ටිකක් කන්න බැරි මොහොතක හැමෝටම බත් වේලක් කන්න අවස්ථාවක් උදා කරනවා. අපි කණ්ඩායමක් වශයෙන් එකතු වෙලා මේ ප්රශ්නයට මුහුණ දෙමු කියන කාරණය තමයි අද දවසේ මම විශේෂයෙන් කියන්නේ.
මෙම කන්නයේ වී අස්වනු වෙළඳපොලට එද්දී වී කිලෝවට රුපියල් එකසිය හැත්තෑ එකක් වගේ මිලක් නියම කරන්න ඉඟියක් ප්රකාශ කරනවා. රට කරන 225 ට ම මේ ජනතාව විඳින පීඩා පිළිබඳ මම වරින් වර අදහස් යෝජනා ඉදිරිපත් කළා. නමුත් එකෙක්වත් ඇහැක් ඇරලා බැලුවේ නැහැ. මම එදා මාධ්ය ඉදිරියේ කෑ ගහලා මේ ප්රශ්න කිව්වේ නැත්නම් අද හැමෝටම හාල් කිලෝ එකක් ගන්න වෙන්නේ රුපියල් 350 ක් වගේ මිලකට.
මම ඉල්ලීමක් කරනවා දැනට පොළොන්නරුවේ වී ස්ටොක් අරගෙන තියෙන මෝල්වලට පාරිභෝගිකසේවා අධිකාරියෙන් ඇවිල්ලා පැනලා මෙව්වා හාල් කරන්න බලපෑම් කරන්න කියලා. මේ වනනතුරු පාරිභෝගික අධිකාරිය ඇහැක් ඇරලා මේ දිහා බලලා නෑ.
මේ වී මෝල්වල තියෙන වී ටික හාල් කරලා රටට යවන්නෙ නැත්තේ ඇයි කියලා බලන්න එකෙක් නැති නිසා මම හරිම කනණගාටුවෙන් ඉන්නේ.
නමුත් ජනතාවට මම කියන්නේ මේ පාලන මිලට වැඩිය හාල් ගන්න එපා. ගේමම ඉල්ලන්න. නීතිය අතට ගන්න එපා කියලාත් මම කියනවා. ඉදිරි මාස තුන මේ පාලන මිල දිගටම පවත්වාගෙන යන්න විශේෂයෙන් මට මාධ්ය උදව් කරන්න කියලත් ඉල්ලීමක් කරනවා. මගෙ ළඟ වී ටික තියෙනකම් හරි මම මේ සටන දිගටම කරනවා. රට මේ තත්ත්වයෙන් ගොඩ එන තුරා මම ගොවියන් එක්ක එකතු වෙලා මේ සටන කරලා ජය ගන්නවාමයි.
රටේ ජනතාව බඩගින්න ගැන බය තියා තියාගන්න එපා. හැබැයි පොහොර ටික, ඉන්ධන ටික, තෙල් ටික, අවශ්ය වූ උපකරණ ටික, ගොවියාට කලට වෙලාවට සපයන්නේ කියලා රජයෙන් ඉල්ලීමක් කරනවා,
මෙම අවස්ථාවට දිඹුලාගල බුද්ධ ශ්රාවක සංඝ සභාවේ ලේඛකාධිකාරී දිඹුලාගල රාහුලාලංකාර නාහිමියන් ප්රමුඛ ගරුතර මහා සංඝ සංඝරත්නය, පොලොන්නරුව දිස්ත්රික් ඒකාබද්ධ ගොවි සංවිධානයේ සභාපති ජගත් අරුණ කීර්ති මහතා ඇතුළු ගොවිජන නියෝජිතයින් කිහිපදෙනකුම එක්ව සිටියහ,
