ආනයනික එතනෝල් යොදා ගනිමින් අරක්කු නිශ්පාදනය කරන හොර අරක්කු නිශ්පාදනාගාරයක් වටලා නිශ්පාදිත අරක්කු බෝතල් 8295ක් සහ අරක්කු නිශ්පාදනයට ගන්නා එතනෝල් ලීටර 4950ක් එම හොර අරක්කු සන්තකයේ තබා ගත් පුද්ගලයෙක් සමග අත් අඩංගුවට ගැනීමට විශේෂ කාර්ය බලකායේ මත්ද්රව්ය නාශක හා සංවිධානාත්මක අපරාධ මර්ධන ඒකකය කටයුතු කර තිබේ.
ව්යාජ ලේබල සහිතව මෙසේ සකස් කර තිබූ මෙම සෑම මත්පැන් බෝතලයකින්ම රජයට ලැබෙන සියයට අසූව ඉක්මවූ බදු මුදල වංචා කරනාවා පමණක් නොව ප්රමිතියකින් තොරව සිදුකරන සාන්ද්රණය කිරීම් හරහා මිනිස් ජීවිත බරපතල අවදානමකට ලක් කර තිබිණි. එම අරක්කු සහ එතනෝල් තොගය පහත දැක්වේ.
මෙම මාරක ජාවාරම සිදුකර තිබුණේ දංකොටුව පොලිස් වසමේ අංක 212, හුරිගහවත්ත, ඇටියාවල, දංකොටුව ලිපිනයේ පිහිටි වීරසිංහ සර්විස් සෙන්ටර් නැමැති ආයතන පරිශ්රය තුළය.
අත්අඩංගුවට ගත් මෙම එතනෝල් සහ නීති විරෝධී මත්පැන් තොගය වැඩිදුර විමර්ශන කටයුතු සඳහා වෙන්නප්පුව සුරාබදු ස්ථානය වෙත භාර දී ඇත.
වාර්තා වන්නේ මෙම ජඩ ජාවාරම් කරන්නේ සුරාබදු නිලධාරීන්, දේශපාලකයින් සහ ව්යාපාරිකයන් ඒකාබද්ධව බැවින් රටේ නීතිය ක්රියාත්මක කර මේ තත්ත්වයන් පාලනය කරගැනීමට අපහසු වී ඇති බවය.
එක්වරක් රාජ්ය ඇමතිවරයෙක් දංකොටුව ප්රදේශවාසීන්ට ගෘහ කර්මාන්තයක් ලෙස කසිප්පු පෙරීමට ඉඩ දෙන ලෙස ද ප්රදේශයේ පොලිස් ප්රධානියෙකුගෙන් ඉල්ලා තිබිණි.
