සමගි ජන බලවේගයේ පක්ෂ ව්යවස්ථාව මඟින් පක්ෂ නායකත්වයට අසීමිත බලයක් සහ ඒකාධිපති බලයක් ලැබෙන අකාරයේ එකක් නොවිය යුතු බව එහි මන්ත්රිවරු පිරිසක් සඳහන් කරති. සමගි ජනබලවේගයේ පක්ෂ ව්යවස්ථා කෙටුම්පත සම්බන්ධයෙන් සාකච්ඡා කිරීම සඳහා පසුගියදා පක්ෂ නායක සජිත් ප්රේමදාස ගේ නායකත්වයෙන් පැවති සාකච්ඡාවකදී මන්ත්රීවරු මේ බව අවධාරණය කර ඇත.
එක්සත් ජාතික පක්ෂයේ නායකත්වයට අසීමිත බලයක් ලැබෙන ව්යවස්ථාවක් නිසා පක්ෂය අර්බුද රැසකට මුහුණ දුන් බවත් එවැනි ව්යවස්ථාවක් සමගි ජනබලවේගයට අවශ්ය නොවන බැවින් දැනට සකස් වී ඇති ව්යවස්ථාව ඒ අනුව සංශෝධනය විය යුතු එහිදී මන්ත්රීවරුන් අදහස් දක්වමින් ප්රකාශ කොට ඇත.
ව්යස්ථාවට ඇතුළත් විය යුතු කරුණු සහ සංශෝධනය විය යුතු කරුණු දක්වමින් අද දිනයේදී පාර්ලිමේන්තු මන්ත්රීවරුන් වන චම්පික රණවක, අශෝක් අබේසිංහ සහ රාජිත සේනාරත්න යන මහත්වරු සිය ස්ථාවරත්වය ඇතුළත් යෝජනා එම පක්ෂය වෙත භාර දී තිබේ.
සමගි ජන බලවේගයේ යෝජිත ව්යස්ථාව පිළිබදව ලංකාසර කළ විමසීමකදී අදහස් දැක්වූ පාර්ලිමේන්තු මන්ත්රී තිස්ස අත්තනායක මහතා සඳහන් කෙළ් ව්යවස්ථාව පිළිබඳව කිසිදු ගැටලුවක් මතුව නැති බවය.
මේ පිළිබඳව යම් පිරිසක් අසත්ය ප්රචාර පතුරුවන බවද මේ සඳහා යම් අයකුට ප්රතිචාර දැක්වීමට අවශ්ය නම් 02වැනිදා (අද) සහ 03 (හෙට) ඉදිරිපත් කළ හැකි බව සඳහන් කළේය.
ව්යවස්ථාව සකස් කිරීම මේ සතියේ 09 වැනිදා පැවැත්වෙන පක්ස සම්මේලනයේදී සම්මත කර ගන්නා බවත් සඳහන් කළේය.
