එල්.ටී.ටීඊ (කොටි) සංවිධානය තවදුරටත් තම රට තුළ තහනම්ත් ත්රස්තවාදී සංවිදානයක් ලෙස පළිගැනීමට බ්රිතාන්යය තීරණය කර ඇත. එ අනුව එක්සත් රාජධානියේ ස්වදේශ කටයුතු ලේකම්වරිය විසින් අංක 7 දරණ එක්සත් රාජධානියේ ත්රස්තවාදී පනත යටතේ දෙමළ ඊලාම් විමුක්ති කොටි (LTTE) සංවිධානය සඳහා වූ තහනම අඛණ්ඩව පවත්වා ගැනීමට ගනු ලැබ ඇති මෙම තීරණය පිළිබඳව ශ්රී ලංකා රජය දැනුවත් කොට ඇති බව විදේශ අමාක්යංශය නිවේදනය කරයි.
එක්සත් රාජධානිය තුළ එල්ටීටීඊ සංවිධානය සඳහා වූ තහනම ඉවත් කිරීම සඳහා එල්ටීටීඊ පෙරමුණු සංවිධානයකින් කරන ලද ඉල්ලීම, තහනම් සංවිධාන පිළිබඳ අභියාචනා කොමිසම (POAC) හමුවේ සලකා බැලීමෙන්තී පසුව ගනු ලැබූ මෙම තීරණය මඟින් එම ඉලල්ම ප්රතික්ෂේප වී ඇත.
එබැවින් යුරෝපා සංගම් කලාපය ඇතුළුව ලොව පුරා වෙනත් රටවල් 30 කට වැඩි සංඛ්යාවක මෙන්ම, එක්සත් රාජධානියේ ද එල්ටීටීඊ සංවිධානය තහනම් සංවිධානයක් ලෙස පවතී.
මෙම රටවල කොටි සංවිධානය මුලින්ම තහනම් කරන ලද්දේ, සිවිල් වැසියන් සහ ප්රජාතන්ත්රවාදීව තේරී පත් වූ නායකයින් ඉලක්ක කරගත් මෙම කණ්ඩායමේ කෲරත්වය සහ සාහසිකකම්, සංවිධානාත්මක අපරාධවලට සම්බන්ධ වීම සහ ගෝලීය හා කලාපීය ආරක්ෂාවට බලපාන වෙනත් අපරාධ ක්රියාකාරකම් හේතුවෙනි. එල්ටීටීඊ තහනම ලොව පුරා අඛණ්ඩව රඳවා තබා ගැනීම, එහි ජාත්යන්තර ජාලය හරහා ත්රස්තවාදී ක්රියාකාරකම් සඳහා මුදල් යෙදවීම, ප්රචණ්ඩ අන්තවාදය කරා තරුණයින් රැඩිකල්කරණය කිරීම සහ ජනවාර්ගික අසමගිය ඇති කිරීම සහ ඔවුන් ක්රියාශීලීව සිටින සෑම රටකම සාමූහික ජීවිතය කඩාකප්පල් කිරීම සඳහා කටයුතු කරන එම කණ්ඩායමේ අවශේෂ කොටස් විසින් එල්ල කෙරෙන අඛණ්ඩ තර්ජනය හඳුනා ගැනීමක් බව විදේශ අමාත්යංශය සඳහන් කරයි. .
ත්රස්තවාදයට එරෙහි ගෝලීය සටනේ දී, එක්සත් රාජධානිය සහ සියලු රජයන් සමඟ පවතින හවුල්කාරිත්වය ශ්රී ලංකා රජය අගය කරන අතර, පුරවැසියන්ගේ ජීවිතවලට තර්ජනය කරන සහ ගෝලීය හා කලාපීය සාමය හා ආරක්ෂාවට තර්ජනයක් වන ත්රස්තවාදය සහ ප්රචණ්ඩ අන්තවාදය අවම කිරීම සඳහා එක්සත් රාජධානිය සමඟ කටයුතු කිරීම සඳහා කැපවී සිටී.
