එක්සත් ජනපද රහස් සේවා අධ්යක්ෂ කිම්බර්ලි චේට්ල් ඉල්ලා අස්වූ බව අද (23) ධවල මන්දිරය නිවේදනය කළේය.
පසුගිය ජූලි 13 වැනිදා පෙන්සිල්වේනියාවේ බට්ලර්හි පැවති එළිමන් රැළියක දී ඩොනල්ඩ් ට්රම්ප් ඝාතනය කිරීමට උත්සාහ කළ ඝාතකයෙක් ඔහු ඉලක්ක කරගෙන වෙඩි ප්රහාරයක් එල්ල කිරීමත්, ඉන් හිටපු ජනාධිපතිවරයා තුවාල ලැබීමත් ඇතුළු සමස්ථ සිද්ධිය වළක්වා ගැනීමට නොහැකි වීම සම්බන්ධව රහස් සේවා ඒජන්සිය දැඩි පරීක්ෂාවකට ලක්වීමේන් අනතුරුව ඇය මෙලෙස ඉල්ලා අස් වී ඇත.
ඒජන්සියේ 24 වසරක ප්රවීණයෙකු වූ රහස් සේවා නියෝජ්ය අධ්යක්ෂ රොනල්ඩ් රෝව් වැඩබලන අධ්යක්ෂවරයා ලෙස කටයුතු කරනු ඇති බව ස්වදේශ ආරක්ෂක ලේකම් ඇලෙජන්ඩ්රෝ මයෝකස් මේ වනවිට නිවේදය කර තිබේ.
“අධ්යක්ෂ චීට්ල්ගේ ඉල්ලා අස්වීම වගවීම සඳහා පියවරක් වනු ඇති. මෙම ආරක්ෂක අසාර්ථකත්වයන් සිදු වූ ආකාරය පිළිබඳව අපට සම්පූර්ණ සමාලෝචනයක් අවශ්යයි. එමඟින් ඒවා ඉදිරියට යාම වළක්වා ගත හැකිය” යනුවෙන් අධීක්ෂණ කමිටුවේ රිපබ්ලිකන් සභාපති ජේම්ස් කොමර් නිවේදනයක් නිකුත් කරමින් කියා සිටියේය.
බට්ලර්හි එළිමහන් රැලියට ඉහළින් වහලක් මත සිට ට්රම්ප්ට වෙඩි තැබීමට තුවක්කුකරුවෙකු සමත් වීමෙන් පසු වත්මන් සහ හිටපු එක්සත් ජනපද ජනාධිපතිවරුන්ගේ ආරක්ෂාව සඳහා වගකිව යුතු රහස් සේවය අර්බුදයකට මුහුණ දුන්නේය.
“ජූලි 13 වෙනිදා සිදුවූයේ කුමක්ද යන්න පිළිබඳ ස්වාධීන සමාලෝචනය දිගටම පවතිනවා. , එහි නිගමන තක්සේරු කිරීමට මම බලාපොරොත්තු වෙනවා.” ඩිමොක්රටික් ජනාධිපති ජෝ බයිඩන් නිවේදනයක් නිකුත් කරමින් කියා සිටියේය. “අපි හැමෝම දන්නවා එදා වෙච්ච දේ ආයේ කවදාවත් වෙන්න බෑ.”. ඔහු කීවේය.
2022 සිට නියෝජිතායතනයට නායකත්වය දුන් කිම්බර්ලි චේට්ල් යටතේ මේ ප්රකාශයට පත් වූයේ 1981 දී එවකට ජනාධිපති රොනල්ඩ් රේගන් වෙඩි තැබීමෙන් පසු රහස් ඔත්තු සේවය විසින් ප්රකට කළ විශාලම අසාර්ථකත්වය බව ඇමරිකානු ආරක්ෂක අංශවල තක්සේරුව වී ඇත.
ඝාතන ප්රයත්නයේ යෙදුනු 20 හැවිරිදි තරුණයා, තෝමස් කෲක්ස් රහස් ඔත්තු සේවයේ ස්නයිපර් කරුවෙකුගේ වෙඩි පහරින් ජීවිතක්ෂයට පත්වූයේය.
