-
මුලින්ම වෛරස් රෝගය වැළඳිලා තියෙන්නේ වල් ඌරන්ට… රෝගය වැළඳී දින 02ක් තුළ සතුන් මිය යන බව ගොවීහු කියති…
-
ආසාදිතව මිය ගිය සතෙකුගේ මස් අනුභවයෙන් පුද්ගල හානි සිදුවන බවට සාධකයක් නෑ… පශු වෛද්ය විශේෂඥවරු කියති….
ගොවිපලවලට විශාල බලපෑමක් සිද්ධ කරමින් ඌරන් අතර පැතිර යමින් පවතින ‘Porcine Reproductive and Respiratory Syndrome’ (PRRS) නමින් හැඳින්වෙන උග්ර ලෙස බෝවන වෛරස් රෝගය පාලනය කරගත නොහැකිව පැතිරයෑමෙන් මේ වනවිට ගොවිපල ඌරන් 2000කට අධික සංඛ්යාවක් මිය ගොස් ඇති බවත් රෝගය පාලනය කරගැනීම සඳහා අවශ්ය ඖෂධ පශු වෛද්ය කාර්යාලවල නොමැති බවත් වාර්තා වේ.
වනජීවී සංරක්ෂණ දෙපාර්තමේන්තුවේ සෞඛ්ය අධ්යක්ෂ වෛද්ය තාරක ප්රසාද් උපුටා දක්වමින් ඩේලි මිරර් වාර්තා කරන්නේ මෙම වෛරස් රෝගය මුලින් වල් ඌරන්ට වැළඳුණු බවත් මේ වනවිට ගොවිපළවල සිටින ඌරන්ටද බෝවී ඇති බවත්ය. රෝගය පාලනය කිරීම සඳහා මේ වනවිට කටයුතු කරමින් සිටින බව ද ඔහු පවසා ඇත.
ආසාදිත සතුන්ගේ මස් ආහාරයට ගැනීමෙන් මිනිසුන්ට බලපෑම් එල්ල එල්ලවන බවට සාධයක් නොමැති බව වෛද්ය තාරක ප්රසාද් ප්රකාශ කළේය. මෙම රෝගය ගොවිපල කෙරෙහි විශාල බලපෑමක් ඇති කරන බව ඔහු පිළිගත්තේය.
මේ අතර අනුරාධපුර දිස්ත්රික්කයේ ගොවීන් කියා සිටින්නේ වෛරසය වැළඳුණු ඌරන් දින දෙකකින් පමණ මිය ගිය බවත් එය ශීඝ්රයෙන් පැතිර යන බවත්ය.
මධ්යම නුවරගම්පලත පශු වෛද්ය ප්රසාද් මඩාටුව ප්රකාශ කර ඇත්තේ වෛරස් ආශ්රිත රෝග සඳහා අවශ්ය ඖෂධ පශු වෛද්ය කාර්යාලවල නොමැති බවය.
කෙසේ වෙතත්, ඔහු දේශීය ඌරන් පරීක්ෂා කර, තවමත් වෛරසයට ගොදුරු නොවූ ඌරන් සඳහා ප්රතිශක්තිකරණ එන්නත් කිරීමට කටයුතු කර ඇති බව වාර්තාවේ.
