නැගෙනහි වෙරළ කලාපයට දැඩිව බලපාන ඊයේ දිනයටත් වඩා තීව්ර සුළි කුණාටුවක් පිළිබඳව කාලගුණ විද්යා දෙපාර්තමේන්තුව පුරෝකථනය කරයි.
නිරිත දිග බෙංගාල බොක්ක ප්රදේශයේ පවතින ගැඹුරු පීඩන අවපාතය අද ( 28) වැනි දින පෙරවරු 02.30 ට පමණ වන විට ත්රිකුණාමලයට කිලෝමීටර් 100 ක් පමණ ඊසාන දෙසින් පිහිටා තිබුණි.
කාලගුණ විද්යා දෙපාර්තමේන්තුව අනාවැකි පල කරන්නේ එය දිවයිනේ නැගෙනහිර වෙරළට ආසන්නව උතුරට බරව වයඹ දෙසට ඉතා සෙමින් ගමන් කරමින් අද දින (නොවැම්බර් 28) සුළි කුණාටුවක් දක්වා තවදුරටත් තීව්ර වීමේ ඉඩකඩය.
මෙම පද්ධතියේ බලපෑම හේතුවෙන් අද දිනයේදිත් ත්රී කුණාමලය දිස්ත්රික්කයට සහ උතුරු පළාතට මිලි මීටර 150ක් ඉක්ම වූ ඉතා තද වැසි ඇති විය හැකිය. දිවයින පුරා බොහෝ ප්රදේශවල අහස වලාකුළින් බරව පවතින අතර උතුරු මැද සහ වයඹ පළාත්වලත්, මාතලේ සහ කෑගල්ල දිස්ත්රික්කවලත් ඇතැම් ස්ථානවලට මි.මී.100 ට වැඩි තද වැසි ද ඇතිවිය හැක.
මිලි මීටර 150කට වැඩි අධික වර්ෂාව පිළිබඳව ද කාලගුණ විද්යා දෙපාර්තමේන්තුව දිස්ත්රික්ක ගණනාවකට රතු නිවේදන නිකුත් කර තිබේ. උතුරු පලාතේ මුලතිව්, යාපනය, වවුනියා, මන්නාරම, කිලිනොච්චි දිස්ත්රිකක් සඳහාත්, උතුරු මැද පළාතේ අනුරාධපුරය, පොළොන්නරුව, දිස්ත්රික්කවලටත්, නැගෙනහිර පළාතේ ත්රීකුණාමලය දිස්ත්රික්කයටත් සබරගමුව පලාතේ කෑගල්ල දිස්ත්රික්කයටත්, වයඹ පලාතේ කුරුණෑගල සහ පුත්තලම දිස්ත්රික්කවලටත්, මධ්යම පළාතේ මාතලේ දිස්ත්රික්කයටත් අධික වර්ෂාව සම්බන්ධ අධි අවදානම් රතු නිවේදනය නිකුත් කර ඇත.
තද සුළං
ඉතා තද සුළං පිළිබඳ කාලගුණ විද්යා දෙපාර්තමේන්තව රතු නිවේදනයක් නිකුත් කර තිබේ. උතුරු පළාත, උතුරු මැද පලාත, නැගෙනහිර පළාත වයඹ පලාත, වෙත මෙම රතු නිවේදනය නිකුත් වී ඇත.
මේ හමන සුළඟ පැ.කි.මී. (60-70) ක් 80ක් දක්වා වර්ධනය විය හැකි ඉතා චණ්ඩ එකක් වීමට ඇති ඉඩකඩ දෙපාර්තමේන්තුව පෙන්වා දෙයි. උතුරුමැද සහ වයඹ පළාත්වලටත් මේ චණ්ඩ සුළඟේ බලපෑම එල්ලවනු ඇත.
කාලගුණ විද්යා දෙපාර්තමේන්තුව කියන්නේ දිවයිනේ සෙසු ප්රදේශවල විටින් විට හමන පැයට කිලෝ මීටර (40-50)තද සුළං ඇතිවිය හැකි බවය.
මේ තත්වයන්ට කල්පනාකාරීව මුහුණ දෙන ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.
