ඉන්ධන හිඟයක් නෑ… බෙදාහැරීම දිගටම සිදුවෙනවා… ඉන්ධන හල් අසල පෝලිමේ ඉන්න එපා යැයි ඇමති කියයි!

ඉන්ධන හිඟයක් නොමැති බවට ඛනිජ තෙල් නීතිගත සංස්ථාව සහතික වී ඇති අතර රජය බාධාවකින් තොරව ඉන්ධන සැපයීම සහතික කර ඇති හෙයින් කලබල නොවන ලෙස ඉන්ධන පිරවුම්හල්වලට රැස්වන ජනතාවගෙන් රජය ඉල්ලා සිටී.

ට්විටර් පණිවිඩයක් නිකුත් කරමින් විදුලි බල හා බලශක්ති ඇමති කාංචන විජේසේකර කියන්නේ රට තුළ ප්‍රමාණවත් ඉන්ධන තොග පවතින අතර බෙදා හැරීම දිගටම සිදුවනු ඇති බවය.

සේවකයන්ට තම රාජකාරියට පැමිණීම බලහත්කාරයෙන් වළක්වාලීමට කටයුතු කළ එක් වෘත්තීය සමිති ක්‍රියාකාරිකයෙක් හේතුවෙන් අද සවස් වරුවේ ප්‍රමාද වූ ඉන්ධන බෙදා හැරීම පොලිසිය හා ත්‍රිවිධ හමුදාව ආරක්ෂාව යටතේ සාමාන්‍යකරණය වී ඇති බව ඇමතිවරයා කියන්නේය.

ඛණිජ තෙල් ගබඩා පර්යන්තවලටත්, බෙදා හැරීමේදීත් අවශ්‍ය ආරක්ෂාව ත්‍රිවිධ හමුදාව සහ පොලිසිය මගින් සහතික කර ඇති බව ඇමතිවරයා සිය ට්විටර් පණිවිඩයෙන් දක්වා ඇත.

Request the public not to panic over shortages in fuel supply. There’s adequate stocks of fuel in the country & distribution will continue. Fuel distribution that was earlier delayed due to trade union activist forcibly preventing employees from attending to their duties have…

— Kanchana Wijesekera (@kanchana_wij) March 28, 2023