දිනසේන රතුගමගේ –
උතුරු මුහුදු සීමාවට බලහත්කාරයෙන් ඇතුලු වී නීති විරෝධී ලෙස මසුන් මරමින් සිටි ඉන්දිය ධිවරයින් 22 දෙදෙනෙකු සහ ඔවුන්ගේ යාත්රා 3 ක් නාවික හමුදාව විසින් යාපනය මුහුදු සීමාවේදී අද ( 10 ) අත් අඩංගුවට ගෙන තිබේ.
එම ධීවරයින් පිරිස ඉන්දියාවේ රාමේස්වරන් සිට උතුරු මුහුදට පැමිණි ධීවරයින් පිරිසක් වන අතර රාමේස්වරන් ධීවරයන් විසින් දියත් කළ විරෝධතාවයෙන් හා උපවාසයෙන් පසුව මුල්ම වරට උතුරු මුහුදට පැමිණ නාවික හමුදාවට කොටු වූ ධීවරයින් පිරිස ය.
මෙවර නාවික හමුදවේ අත් අඩංගුවට පත් ධීවරයින් අතර වැඩි දෙනෙකු තරුණයින් වන අතර යාපනය අධිකරණයෙන් වසර පහක අත්හිටවූ සිර දඩුවම් නියම වී ඇති බෝට්ටු කරුවකුද ඒ අතර සිටියි.
නාවික හමුදාව විසින් අත් අඩංගුවට ගත් ධීවරයින් පිරිස යාපනයේ මයිලීටි ධීවර වරායේදි යාපනය සහකාර ධීවර අධ්යක්ෂ කාර්යලයේ නිලධරීන් වෙත බාර දී ඇති අතර ඔවුන්ට අයත් යාත්රා තුන නාවික හමුදා බාරයේ තබා ගෙන ඇත.
යාපනය සහකාර ධීවර අධ්යක්ෂ කාර්යලය මෙම ඉන්දීය ධීවරයින් විසි දෙදෙනා යාපනය අධිකරණය වෙත ඉදිරිපත් කිරීමට පියවර ගෙන තිබේ.
