දිනසේන රතුගමගේ –
ඉන්දියාව හා ශ්රී ලංකාව අතර පවතින මිත්රත්වය හා සුහදශීලී බව තව දුරටත් වර්ධනය කරවීමේ අරමුණින් යුතුව නත්තල් සමයේදී ශ්රී ලංකාවේදී අත් අඩංගුවට ගැණුනු ඉන්දීය ධීවරයින් 24 දෙනෙකු නිදහස් කොට ඊයේ (24) ඔවුන්ව චෙන්නායි බලා පිටත් කොට යවා තිබේ.
මෙසේ නිදහස් කොට ඇත්තේ නාවික හමුදාව විසින් උතුරු මුහුදේදී පසුගිය නොවැම්බර් මාසයේදී අත් අඩංගුවට ගත් දකුණු ඉන්දියාවේ නාගපට්ටන පුදුකෝට්ටේ යන පළාත් වලින් යාත්රා පහක ආධාරයෙන් පැමිණි ඉන්දීය ධීවර පිරිසකි.
ධීවර යාත්රා පහ රාජසන්තක කිරීමට තීරණය කළ යාපනය අධිකරණය මේ ධීවරයින් 24 දෙනාට ගොණු කොට තිබූ නඩුවක් විභාග කොට ඔවුන්ව නිදහස් කොට තිබේ.
එසේ නිදහස ලැබූ ඉන්දීය ධීවරයින් පිරිස යාපනයේ පිහිටි නියෝජ්ය ඉන්දීය මහ කොමසාරිස් කාර්යාලයට බාර දීමෙන් පසුව ඔවුන්ව චෙන්නායී නුවර බලා පිටත් කොට යවා ඇත.
ධීවරයින් පිරිස චෙන්නායී නගරයේදී ඉන්දීය මාධ්ය වෙත අදහස් දක්වමින් ප්රකාශ කොට ඇත්තේ ශ්රී ලංකා නාවික හමුදාවත් පොලීසියත් බන්ධනාගර නිලධාරීනුත් තමන්ට ඉතා හොඳින් සැලකූ බවයි
