උතුරු කාශ්මීරයේ බරාමුල්ල දිස්ත්රික්කයේ ගුල්මාර්ග් හි ගොඩනඟා ඇති ‘වීදුරු ඉග්ලූ’ අවන්හල සංචාරකයින් අතර අතිශය ජනප්රිය වී තිබේ. ඉන්දියාවේ වීදුරු ඉග්ලූ අවන්හලක් ගොඩ නැඟූ ප්රථම අවස්ථාව මෙය වන අතර ‘කොලහොයි ග්රීන් හෙයිට්ස්’ හෝටලය විසින් මෙම නිර්මාණය සිදු කර තිබේ.
2021 දී ද ශීත කාලයේදී ආසියාවේ විශාලතම හිම ඉග්ලුව ඔවුන් විසින් ඉදිකරන ලදී. ශීත කාලේදී ගුල්මාර්ග්වල සංචාරක ව්යාපාරය නඟා සිටුවීම සඳහා මෙවන් විවිධ අලුත් දේ අත්හදා බලන බවත් ඒ සඳහා මෙවර තෝරා ගත්තේ වීදුරු ඉග්ලූ යන සංකල්පයේ අවන්හලක් බවත් හෝටලයේ සාමාන්යාධිකාරී හමීඩ් මසූඩි ‘ඒඑන්අයි’ පුවත් සේවය අමතමින් පවසා ඇත.
“අපි මේ සංකල්පය ගන්නේ ෆින්ලන්තයෙන්.. අපේ හෝටල් භූමියේ වීදුරු ඉග්ලූ 3ක් අපි ගොඩනැඟුවා… මීට කලින් කොහෙවත් මේ වගේ දෙයක් දකින්න තිබ්බේ නෑ..”
වීදුරු ඉග්ලූ අවන්හල නැරඹීමට පැමිණි සංචාරකයෙකු වන ‘ෂාරුක්’ සඳහන් කර තිබුණේ මෙවැනි දෙයක් ඉන්දියාව තුළදී විශේෂයෙන්ම කාශ්මීරය තුළ අත්දැකි ප්රථම අවස්ථාව මෙය බවයි.
“ඉග්ලූ අවන්හල හරිම අපූරුයි.. මම හැමෝටම කියනවා මෙහෙට එන්න මේ අත්දැකීම විඳ ගන්න කියලා..”
තවත් සංචාරකයෙකු පවසා තිබුණේ සැපයූ දිවා හා රාත්රී ආහාර ද ඉතා ඉහළ මට්ටමේ තිබූ බවත් ආහාර සැපයීම හොඳින් කළමණාකරණය කර තිබූ බවත්ය.
