ටිබෙටය සහ ඉන්දියාට මායිම්ව ගලා බසින් බ්රහමපුත්ර ගංගාව හරහා චීනය විසින් සුපිරි වේලක් හෙවත් මහා පරිමානයේ වෙල්ලක් ඉදිකිරීමට පියවර ගෙන ඇති බවට වර්තාවේ.
ඒ අනුව චීනය විසින් තමන්ට අයත් බවට පවසන ටිබෙටය ඔස්සේ මෙම වෙල්ල ඉදිකිරීඹ සිදුකරනු ඇති බවටද අදාල වර්තාවන් පෙන්වා දෙයි.
චීනය විසින් ඉදිකිරීමට අපෙක්ෂා කරන මෙම මහා පරිමානයේ වේල්ල සම්බන්ධයෙන් වූ මාධ්ය වාර්තාවන් නිරන්තරයෙන් එරට මාධ්ය වල පළවන බවටද වාර්තවේ. කෙසේ වෙතත් චීන රජය විසින් කිසිඳු අවස්තාවකදී එම වේල්ලේ සහ අදාල සමස්ථ ව්යාපෘතියේ පරිමාය සහ එය ඉදිවන සත්ය ස්ථානය සම්බන්ධයෙන් හෙලිදරව් කර නොමැති වීමටද විශේෂත්වයකි.
අදාල වේල්ල ඉදිකිරීමේ ව්යාපෘතිය මගින් ගිගාවොට් 60ක ජනනයක් සිදුකිරීමටද නියමිත අතර එය ඉන්දියාවට ආසන්න දැඩි ආරක්ෂකාවක් පවතින දේශසීමාව ආසන්නයේ ඉදිකිරීමට කටයුතු කර ඇති බවට වාර්තාව්. ඒ අනුව එය මීට පෙර චීනය ඉදි කළ මහා පිරිමාන වේල්ලක් වන ත්රී ගොජස් ඩෑම් වේලලට සමාන වනු ඇති බවට සඳහන් වේ.
චීනය විසින් පසුගිය කාලය පුරාවටම විශාල පරිමානයේ වේලවල් ඉදිකරමින් ජල විදුලිය ජනනය කිරීමට පියවර ගෙන තිබූ අතර එමගින් එරට බලශක්ති අවශ්යතාව පුනර්ජනනීය බලශක්ති ප්රභව යොදාගෙන සපුරා ගැනීමේ ප්රබල පියවරක් ලෙස පෙන්වා දිය හැකිය.
කෙසේ වෙතත් මෙම වෙල්ලවල් ඉදිකිරීමේදී ඇති වන පාරිසරික බලපෑම් සම්බන්දයෙන් චීනය නිසි අවදානයක් යොමුකර නොමැති බවටද පෙනීයයි.
ඒ අනුව මෙම බ්රහමපුත්ර ගංගාවේ ඉදිකරන වේල්ල මගින්ද දැඩි පාරිසරික මෙන්ම සමාජීය බලපෑමක්ද එල්ලවීමේ හැකියාවක් පවතී. එනම් චීනය, ඉන්දියාව සහ බංගලාදේශයේ කොටි 13ක පමණ ජනතාවකට මෙම ගංගාව අතිශය වැදගත් අංගයක් බවට පත්ව තිබේ. මෙම තත්ත්වය හමුවේ අදාල වේල්ල ඉදි කිරීම මගින් දැඩි සමාජීය ගැටලු නිර්මාණය වීමටද ඉඩ පවතී.
