ව්යාජ ගුවන් ගමන් බලපත්රයකින් පලා ගොස් ඉන්දියාවේ සැඟවී සිටි පොඩි ලැසී අද (26) දින යළි දිවයිනට රැගෙන එනු ඇතැයි විමර්ශන ආරංචි මාර්ග පවසයි.
ඇප රහිතව වසර ගණනක් බන්ධනාගාරගතව සිටි පොඩි ලැසී 2024 දෙසැම්බර් 9 වන දින බලපිටිය මහාධිකරණය විසින් ඔහුට ගුවන් ගමන් තහනමක් ඇතුළු දැඩි කොන්දේසි සහිතව ඇප ලබා දෙන දී තිබිණි.
ඇප ලබා ගත් වහාම ඔහු තම ඇප කොන්දේසි උල්ලංඝනය කර රටින් ඉන්දියාවට පලා ගියේය. ඉන්දියාවේ සිටිය දී 2025 ජනවාරි මැද භාගය වන විට මුම්බායිහිදී ඉන්දීය ආරක්ෂක අංශ අත්අඩංගුවට ගන්නා ලදී.
එතැන් සිට ඔහු බන්ධනාගාරගතව වසරකට වැඩි කාලයක් අදාල නඩු කටයුත්තට මුහුණ දුන් අතර එම නඩුව විභාග වීමෙන් අනතුරුව යළි ශ්රි ලංකාවට පිටුවහල් කිරීමට නියමිතව තිබිණි.
“පොඩි ලැසී” යනු ශ්රී ලංකාවේ කුප්රකට පාතාල චරිතයක්, මත්ද්රව්ය ජාවාරම්කරුවෙකු සහ සංවිධානාත්මක අපරාධ සැකකරුවෙකු වන අරුමහන්දි ජනිත් මධුශංක සිල්වාගේ අන්වර්ථ නාමයයි.
ඔහු කුලී ඝාතන, මත්ද්රව්ය ජාලය හා සම්බන්ධ මිනීමැරුම් සහ මත්ද්රව්ය ජාවාරම ඇතුළු බරපතල වැරදිවලට චෝදනා ලැබූවෙකි.
