මහ බැංකුව ස්වාධීන කිරීමේ එක් පියවරක් ලෙස දැනට කෙටුම්පත් වී ඇති නව මහ බැංකු පනතින් මෙතෙක් පැවති මුදල් මණ්ඩලය වෙනුවට පාර්ලමේන්තුව සහ ව්යවස්ථාදායක සභාව මඟින් පත් කෙරෙන පාලක මණ්ඩලය සහ මුදල් ප්රතිපත්ති මණ්ඩලය ලෙස නව මණ්ඩල දෙකක් ඇති වන බව ශ්රී ලංකා මහ බැංකුවේ අධිපති ආචාර්ය පී. නන්දලාල් වීරසිංහ මහතා පවසයි. දැනට මුදල් මණ්ඩලයේ නිල වශයෙන් සාමාජිකත්වය දරන මුදල් අමාත්යාංශ ලේකම්වරයා යෝජිත නව පනත අනුව ඉන් ඉවත් කොට නව සාමාජිකයන් 11 දෙනකුගෙනක් යුතු මණ්ඩලයක් පිලිබඳව යෝජනා වී ඇතැයිද එහිදී හෙතෙම පවසයි.
මහ බැංකු අධිපතිවරයා මේ බව පැවසුවේ පසුගියදා කොළඹ රාජගිරිය මහ බැංකු ශ්රවණාගාරයේ දී පැවැති “ශ්රී ලංකා මහ බැංකු පනත් කෙටුම්පතේ සුවිශේෂ කරුණු” මැයෙන් පැවති දේශනයකට සහභාගි වෙමිනි.
මුදල් මණ්ඩලයට සාමාජිකයන් පත් කිරීමේදී මුදල් ඇමැතිවරයාගේ නිර්දේශය මත සිදු කළ ක්රියාවලිය වෙනුවට සුදුසුකම් ලත් මූල්ය, තාක්ෂණ, ආර්ථික ඇතුළු ක්ෂේත්ර රැසක වෘත්තිකයන් සහ කුසලතාවන්ගෙන් පිරි සාමාජිකයන් පත් කිරීමට පාර්ලිමේන්තුවට, ව්යවස්ථාදායක සභාවට හැකි වන ලෙස බලතල පුළුල් කොට ඇති අකාරයද ඔහු එහිදී පෙනවා දුන් අතර මෙයින් ශි ්රලංකා මහ බැංකුව ස්වාධීන වූත් වඩාත් ශකතිමත් වූ ආයතනයක් බවට පත්වනු ඇතැයි විශ්වාසය පළ කළේය.
ශ්රී ලංකා මහ බැංකුවේ ප්රධාන කාර්යයන් සිහිපත් කළ මහ බැංකු අධිපතිවරයා මිල ස්ථායිතාව සහ මූල්ය පද්ධති ස්ථායිතාව ඇති කිරීම ඒවා බව කීය. එහෙත් ඉතිහාසය පුරා සැලකිය යුතු ලෙස මේ අරමුණු ජය ගැනීමට නොහැකි වී තිබීම නිසා නව බැංකු පනත හරහා පෙරදාටත් වඩා ආර්ථික සහ මිල ස්ථායිතාව මෙන්ම මූල්ය පද්ධති ස්ථායිතාව පවත්වාගෙන යෑම අරමුණු කරගනිමින් ශ්රී ලංකා මහ බැංකුව වඩාත් ස්වාධීන ආයතනයක් බවට පත් කිරීම සඳහා නව බැංකු පනත ඉදිරිපත් කොට ඇතැයි මහ බැංකු අධිපතිවරයා පැවසීය.
ලෝකයේ පිළිගත් ක්රමවේදයකට අනුව නම්යශීලි උද්ධමන ඉලක්ක කරන වැඩපිළිවෙළකට අනුව යමින් උද්ධමනය පාලනය කිරීම, විදේශ විනිමය අනුපාතික වෙළෙඳපොළ ඉල්ලුම සැපයුම අනුව සිදු කිරීමට ඉඩ දීම ස්වාධීන මහ බැංකුවක කාර්යභාරයයි.
මෙහිදී නව බැංකු පනත මඟින් මහ බැංකුව දේශපාලනකරණයට ලක් වන්නේ දැයි මේ අවස්ථාවට එක් වූ අයකු නැඟූ පැනයකට පිළිතුරු දුන් මහ බැංකු අධිපතිවරයා, එවැන්නක් මීට පෙර සිදුව තිබෙන්නට ඇති මුත් නව පනත මඟින් එවැන්නක් සිදුවීමට තිබෙන ඉඩකඩ අසුරා ඇති බව සඳහන් කළේය.එසේම නව පනත පනත මඟින් අධිරාජ්යවාදීන්ගේ, බටහිර බලවේගයන්ගේ බලපෑමට හා යටත්වීම්වලට මහ බැංකුව ලක්වන බවට නඟන චෝදනාව මහ බැංකු අධිපතිවරයා සම්පූර්ණයෙන්ම බැහැර කරන බවද පැවසීය.
“ශ්රී ලංකා මහ බැංකුව මූල්ය ප්රතිපත්තිය හසුරුවනවා. නමුත් රටේ රාජ්ය මූල්ය ප්රතිපත්තිය හසුරුවන්නේ මුදල් අමාත්යාංශයයි. මූල්ය ප්රතිපත්තිය සහ රාජ්ය මූල්ය ප්රතිපත්තිය එකිනෙකට වෙනස් කරුණු දෙකක්. රාජ්ය මූල්ය ප්රතිපත්තිය යනු බදු ගෙවන්නන්ගේ මුදල් සම්බන්ධයෙන් කටයුතු කරන ප්රතිපත්ති මාලාවයි. රජය එය සිදුකළ යුතුයි. ශ්රී ලංකා මහ බැංකුව සිදු කරන්නේ රටේ මූල්ය ප්රතිපත්තිය ක්රියාත්මක කිරීමයි. අපේ රටේ තැන්පත්කරුවන්ගේ මුදල් ඇතුළු අනෙකුත් සියලු මුදල් කටයුතු ගැන වග වීම සහ වගකීම ශ්රී ලංකා මහ බැංකුවේ මූල්ය ප්රතිපත්තියට අනුව සිදු විය යුතුයි. එය සිදු කිරීමේදී ශ්රී ලංකා මහ බැංකුවට කිසිදු ආකාරයක දේශපාලන බලපෑමක් වෙනයම් බලපෑමක් සිදු නොවිය යුතුයි. එවැනි දෙයක් සිදු කිරීම සඳහායි නව බැංකු පනත තිබෙන්නේ“ යැයි මහ බැංකු අධිපතිවරයා පැහැදිලි කළේය.
