අනුරාධපුර පර්සි කුරුනේරු –
ශ්රී ලාංකේය බෞද්ධ උරුමයේ කේන්ද්රස්ථානය වූ මිහින්තලා රජ මහා විහාරයේ විදුලිය ඉතිහාසයේ පළමු වරට විසන්ධි කර තිබේ.
රුපියල් තිස් හතර ලක්ෂ, හතලිස් අට දහස්, තුන්සිය හැට අටයි ශත දා හතරක් වූ (3448368.14) හිඟ විදුලි බිල නොගෙවීම නිසා අද දහවල් 12 ට පමණ විදුලිබල මණ්ඩලය මෙසේ විදුලිය විසන්ධි කර ඇත.
රජ මහා විහාර ආරංචි මාර්ග පවසන්නේ මේ තත්ත්වය හේතුවෙන් මිහින්තලා රජ මහා විහාර භූමිය හා පුරාවිද්යා උරුමය බරපතල අනාරක්ෂිත තත්ත්වයකට පත් වී ඇති බවය.
මේ පිළිබඳව කළ විමසීමක දී මිහින්තලා රජමහා විහාරයේ විහාරාධිපති පූජ්ය වලවාහැංගුනවැවේ ධම්මරතන හිමියන් ප්රකාශ කළේ මෙම විදුලි බිල මේ ආණ්ඩුව බලයට පැමිණි දා සිට එකතු වූ හිඟ බිල බවය.
මෙපමණ විදුලි බිලක් ගෙවා ගත නොහැකි බව ද සිදුවන්නේ කුමක්දැයි උපේක්ෂාවෙන් බලා සිටින බව ද නායක හිමියෝ ප්රකාශ කළහ.
