2023 දෙසැම්බර් 03 දිනට යෙදී තිබුණු අබාධ සහිත ප්රජාවගේ ජාත්යන්තර දිනය සංකේතවත් කරමින් අබාධ සහිත තැනැත්තන් සඳහා වන පාර්ලිමේන්තු සංසදයේ ආරාධනයෙන් පාසල් කිහිපයක් නියෝජනය වන පරිදි විශේෂ අවශ්යතා සහිතදූ දරුවන් 200 කට ආසන්න පිරිසක් අද (04) පාර්ලිමේන්තුවට පැමිණියහ.
එම සිසු දරුවන් පිරිස පාර්ලිමේන්තුවේ මහජන ගැලරියට පැමිණි පසු කථානායක මහින්ද යාපා අබේවර්ධන විසින් ඔවුන් පිළිගනිමින් විශේෂ සුබ පැතුමක් එක් කළේය.
විශේෂ අවශ්යතා සහිතදරුවන් 200කට ආසන්න පිරිසක් පාර්ලිමේන්තුවට පැමිණීම ඉතිහාසයේ පළමු වරට සිදුවූ සුවිශේෂී සිදුවීමක් බව සිහිපත් කළ කථානායකවරයා මෙම දූ පුතුන් ඇතුළුව ශ්රී ලංකාවේ සමස්ත විශේෂ අවශ්යතා සහිත දූ පුතුන්ගේ අනාගත ජීවිත සර්වප්රකාරයෙන්ම සාර්ථක වේවායි යනුවෙන් සිය සුබ පැතුම් එක් කළේය.
අනතුරුව මෙම සිසු දරුවන්ට, විශේෂ අවශ්යතා සහිතතැනැත්තන් සඳහා වන පාර්ලිමේන්තු සංසදයේ සභාපති පාර්ලිමේන්තු මන්ත්රී ඩලස් අලහප්පෙරුම, සභානායක ,අධ්යාපන අමාත්ය (ආචාර්ය) සුසිල් ප්රේමජයන්ත, අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්ය ජනාධිපති නීතිඥ (ආචාර්ය) විජයදාස රාජපක්ෂ, විපක්ෂ නායක සජිත් ප්රේමදාස, පාර්ලිමේන්තු මන්ත්රී (වෛද්ය) සුදර්ශිනී ප්රනාන්දුපුල්ලේ හමුවීමටද අවස්ථාව සැලසිණි.
එහිදී අදහස් දැක්වූ අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්යවරයා විශේෂ අවශ්යතා සහිතපුද්ගලයින්ගේ අයිතිවාසිකම් ආරක්ෂා කිරීම සඳහා වන පනත් කෙටුම්පතේ වැඩ කටයුතු අවසන් අදියරේ පවතින බව පැවසුවේය. ඒ අනුව එම ක්රියාවලිය කඩිනම් කිරීම උදෙසා සහය දැක්වීම සමස්ත පාර්ලිමේන්තු මන්ත්රීවරයන්ගේම වගකීමක් බවද අධිකරණ අමත්යවරයා සිහිපත් කළේය.
එමෙන්ම විශේෂ අවශ්යතා සහිතදරුවන් උදෙසා අන්තර්කරණ අධ්යාපනය ලබාදීමේ අභියෝගය නව අධ්යාපන ප්රතිසංස්කරණ ඔස්සේ ජය ගැනීමට හැකි බව මෙහිදී අදහස් දක්වමින් අධ්යාපන අමාත්යවරයා පැවසුවේය. ඒ ඔස්සේ අබාධ සහිත දරුවන්ට සාමාන්ය දරුවන් හා එක්ව අධ්යාපනය ලැබීම අවස්ථාව හිමිවන බව අධ්යාපන අමාත්යවරයා සිහිපත් කළේය.
එමෙන්ම කුඩා අවධියේම දරුවන් තුළ මතුවන අබාධ හඳුනාගෙන එම දරුවන් උදෙසා අවශ්ය ප්රතිකාර ලබා දීමට වෙනම ස්ථානයක් ස්ථාපිත කිරීමටද සැළසුම් කර ඇති බව අධ්යාපන අමාත්යවරයා වැඩි දුරටත් අදහස් දක්වමින් පැවසුවේය.
මෙහිදී අදහස් දක්වමින් විපක්ෂ නායක සජිත් ප්රේමදාස ආබධ සහිත පුද්ගලයින්ගේ අයිතිවාසිකම්, ආණ්ඩුක්රම ව්යවස්ථාවේ සඳහන් මූලික අයිතිවාසිකවලට එකතු කරමින් ආණ්ඩුක්රම ව්යවස්ථාව සංශෝධනය කළයුතු බව ප්රකාශ කළේය.
එමෙන්ම අබාධ සහිත ප්රජාවන්ගෙන් බදු අය නොකිරීමට බදු ප්රතිපත්තිය සංශෝධනය කළයුතු බවද විපක්ෂ නායකවරයා වැඩිදුරටත් අදහස් දක්වමින් මෙහිදී පැවසුවේය.
පාර්ලිමේන්තු සන්නිවේදන දෙපාර්තමේන්තුවේ, මහජන සේවා අංශය විසින් මෙම දරුවන් පිරිසට අවශ්ය පහසුකම් හා පාර්ලිමේන්තු ක්රියාවලිය පිළිබඳව අවශ්ය දැනුවත්කිරීම් සිදුකරන ලදී.
මෙම වැඩසටහන විශේෂ අවශ්යතා සහිතපුද්ගල සාංවිධාන ඒකාබද්ධ පෙරමුණේ (DOJF) සභාපති රසාංජලී පතිරගේ ගේ සම්බන්ධීකරණයෙන් සිදුවූ අතර ඒ සඳහා අවශ්ය පහසුකම් ජාතික ප්රජාතන්ත්රවාදී ආයතනය (NDI) විසින් ලබා දෙන ලදී.
