ඉතිහාසයේ පළමු වරට ඇමරිකා එක්සත් ජනපද නාවික හමුදාවට අයත් නෞකාවක් අලුත් වැඩියාවක් සඳහා ඉන්දීය වාරයකට නැංගුරම්ලා තිබේ.
ඒ අනුව යූ.එස්.එන්.එස්. චාල්ස් ඩෲ නෞකාව පසුගියදා චෙන්නායි හී කට්ටුපල්ලි වාරය වෙත සේන්දු වූ අතර එහිදී දින 11ක කාලයක් පුරාවට නැංගුරම්ලා තිබීමට නියමිතය.
මේ සම්බන්ධයේ ඉන්දීය ආරක්ෂක අමාත්‍යශය පවසා සිටියේ, ‟ ඉතිහාසයේ පළමු වරට එක්සත් ජනපද නාවික හමුදාවේ නෞකාව මෙයයි. ඇත්තටම මෙය එක්සත් ජනපද සහ ඉන්දියා ද්වීපාර්ශවීය සම්බන්ධතා නව මානයකට ගෙනියන්න සමත්ව තිබේ.” යනුවෙනි.
ඒ අනුව මේවන විට ඉන්දියාව විසින් සිය මුහුදු කළාප ආසන්නයේ යාත්‍රා කරනු ලබන එක්සත් ජනපද නාවික හමුදාවට අයත් නෞකාවන්ට අවශ්‍ය අලුත් වැඩියා සිදුකිරීමට පසුගිය අප්‍රේල් මාසයේදී එකඟතාවයක් ඇතිකරගත් අතර එය දෙරටේ සම්බන්ධතා නවම මානයකට යොමු කිරීමට සමත්විය.
මේවන විට කළාපිය ආරක්ෂාව සම්බන්ධයෙන් එක්සත් ජනපදය සහ ඉන්දියාව විශේෂ සාමූහකි වැඩපිළිවෙලක් දියත්කරමින් සිටියි. එහිදී කාළපයට එල්ලවිය හැකි බාහිර බලවේල වට සාර්ථකව මුහුණ දීමට මෙම සම්බන්ධතා ඉතා වැදගත් වනු ඇත.
ඉන්දියාව සතුව අද වන විට ප්‍රධාන මට්ටමේ නැව අලුත් වැඩියා කළ හැකි වාරායන් 6ක් ඇති අතර එමගින් වාර්ෂිව ඇමරිකානු ඩොලර් බිලියන 2ක ආදායම් උපයයි. එහිදී දේශීය අව්‍යශතාවන්ට මෙන්ම වෙන් ඕනෑම ඉල්ලීමකට සරිලන ආකාරයේ නෞකා නිර්මාණය කිරීමට ඉන්දියාවට හැකියාව පවතී.
ඒ අනුව පසුගිය කාලයේදී ඉන්දීය නාවික හමුදාව විසින් ලොව නීනතම තාක්ෂණයෙන් සමන්විත රේඩාර් පද්ධතිවලට හසු නොවී යාත්‍රා කිරීමට හැකි යුධ නෞකාවන්ද නිර්මාණය කිරීමට සමත්විය.
