යහපාලන සමයේ තමන් යටතේ තිබූ අමාත්යාංශ තුනෙහිම අරමුදල් කාබාසිනියා කර බංකොලොත් කළ විපක්ෂ නායක සජිත් ප්රේමදාස රටක භාණ්ඩාගාරය පිරවීම මොන්ටිසෝර දරුවෙකුට වුවත් කළ හැකි බව පැවසීම මොන්ටිසෝරි දරුවෙකුටත් වඩා පොඩි ළදරුවෙකුගේ අඳෝනාවක් බඳු යැයි මහජන ආරක්ෂක ඇමති ආනන්ද විජේපාල පැවසුවේය.
ඔහු අය – වැය කතාවට එක් වෙමින් පැවසුවේ රටක අයවැයක් ඉදිරිපත් කිරීමේ දී අවශ්ය වන්නේ වෛරී ප්රකාශනයන් නොව සාධනීය විවේචනයන් බවය.
අමාත්යවරයා මෙසේ ද පැවසුවේය.
විපක්ෂ නායකවරයා පහුගිය දවසක මේ අය වැයට එක් වෙමින් කිව්වා මේ භාණාගාරය පුරවනවා කියන එක පොඩි දරුවෙකුට වුනත් කරන්න පුලුවන් කියලා. මේ අය වැය ලේඛණය ඉදිරිපත් කරමින් අපි කිව්වා රුපියල් ට්රිලියනයක් භාණ්ඩාගාරයේ තියනවා කියලා.
එතකොට විපක්ෂ නායකවරයා කියනවා භාණ්ඩාගාරය පුරවන එක පොඩි ළමයෙකුට වුනත් කරන්න පුලුවන් කියලා. මොන්ටිසෝරි දරුවෙකුට උනත් කරන්න පුලුවන් කීවා.
අපි ඔහුට කියන්නට කැමතියි එතුමා පහුගිය යහ පාළන ආණ්ඩු කාලේ අමාත්යාංශ තුනක ඇමතිකම් දැරුවා. සමෘද්ධි අමාත්යාංශය, නිවාස අමාත්යාංශය සහ සංස්කෘතික කටයුතු අමාත්යාංශය. අරමුදල් තුනක් තිබ්බා මේ අමාත්යාංශ තුනේ. අරමුදල් තුනම කාබාසිනියා කළා.
එහෙම තමන්ට අමාත්යංශයක්වත් කරගන්න බැරිව හිඳිමින් මහා භාණ්ඩාගාරය පුරවන්න පුළුවන් කියලා පොඩි ළමයෙකුටත් කරන්න පුලුවන් කියලා. අපට කියන්න තියෙන්නේ පොඩි ළමයෙකුටත් වඩා පහළ තැනක ඉඳන් තමයි විපක්ෂ නායකතුමා අමාත්යාංශපාලනය කරලා තියෙන්නේ.
එහෙම නැතිනම් ඒ අමාත්යාංශවල අරමුදල් වර්ධනය කරන්න තිබුණා. දැන් මේ අමාත්යාංශවලට අත්කරලා තියන ඉරණම මේ රටේ ජනතාව දන්නවා. ඒ හින්දා අපට රටක් විදිහට සාධනීය විවේචන අවශ්යයයි. ද්වේශ සහගත විවේචනවලින් මේ අය වැයට යහපතක් වෙන්නේ නෑ.
