විකල්ප ප්රතිපත්ති සඳහා වූ මධ්යස්ථානයේ (CPA) සමීක්ෂණ සහ පර්යේෂණ අංශය විසින් පවත්වන ලද ප්රජාතන්ත්රවාදී පාලන දර්ශකය සඳහා වූ විශ්වාසය පිළිබඳ කළ සමීක්ෂණයේ තුන්වන අදියරෙහි ප්රතිඵල නිකුත් වී තිබේ.
ශ්රී ලංකාව මුහුණ දී සිටින ආර්ථික හා දේශපාලන අර්බුදය හමුවේ මහජන අත්දැකීම්, අරගලය පිළිබඳ ඔවුන්ගේ මතය සහ වත්මන් ආර්ථික හා දේශපාලන අර්බුදයේ විවිධ පැතිකඩ ග්රහණය කර ගැනීමේ අරමුණින් මෙම මත විමසුම සැලසුම් කර ඇත.
සමීක්ෂණයට අනුව, ආර්ථික අර්බුදය විසඳීම සඳහා නිවැරදි දේ කළ හැකි නායකයින් කෙරෙහි ඇති විශ්වාසය පිළිබඳ සමීක්ෂණයේ මුල් තැනට එන්නේ ජනතා විමුක්ති පෙරමුණේ (ජවිපෙ) නායක අනුර කුමාර දිසානායක ය. ඔහු කෙරෙහි 48.5% ක ප්රතිශතයක් විශ්වාසය පල කර ඇත.
අනතුරුව ජනාධිපති රනිල් වික්රමසිංහ කෙරෙහි විශ්වාසය පල වී තිබේ. එම ප්රතිශතය 36.6% කි. විපක්ෂ නායක සජිත් ප්රේමදාසට 29.1% ක් ද, ඩලස් අලහප්පෙරුමට 23.7% ක් ද විශ්වාසය පල කර ඇත.
‘ගෝඨාගෝගම’ අරගලයට නායකත්වය දෙන තරුණ තරුණියන්ගේ සංජානනයට අදාළ සමීක්ෂණයේ දී 84.3% ක ජනතාවක් විශ්වාස කරන්නේ වඩා හොඳ ප්රජාතන්ත්රවාදයක් සඳහා රට ප්රතිසංස්කරණය කිරීමේ අරමුණින් නිදහස් මනසක් ඇති තරුණ පිරිසක් අරගලය මෙහෙයවනු ලබන බවය.
අරගලයට සම්බන්ධ තරුණයින් ප්රචණ්ඩකාරී කණ්ඩායම්වලට සම්බන්ධ බවට 82% කට ආසන්න පිරිසක් එකඟ නොවෙති.
එමෙන්ම රට ආර්ථික අර්බුදයෙන් ගොඩ එනතුරු සර්ව පාක්ෂික අන්තර්වාර ආණ්ඩුවක් පිහිටුවන ලෙස ඉල්ලා සිටින විරෝධතාකරුවන්ගේ/ මහජනතාවගේ ඉල්ලීම්වලට 83.4% ක ජනතාවක් එකඟවී ඇත.
විධායක ජනාධිපති ක්රමය සම්පූර්ණයෙන්ම අහෝසි කළ යුතු බවට 75.6% ක ජනතාවක් එකඟ වන අතර 86.9% ක ජනතාවක් 20 වැනි ව්යවස්ථා සංශෝධනය ඉවත් කළ යුතු බවට එකඟ වී ඇත.
ආර්ථික අර්බුදය හේතුවෙන් ගෘහාශ්රිත දුෂ්කරතා පිළිබඳ සමීක්ෂණය පෙන්නුම් කරන්නේ, නිතිපතා මිල දී ගන්නා ආහාර හෝ ආහාර ද්රව්යවල ගුණාත්මක වෙනසක් සඳහා 83.1% ක ජනතාවක් එකඟ වී තිබේ.
සම්පූර්ණ සමීක්ෂණ වාර්තාව. – https://www.cpalanka.org/summary-findings-and-overview-of-the-confidence-in-democratic-governance-index-wave-3/
