වර්තමාන ජනාධිපති රනිල් වික්රමසිංහ ගේ රජය විසින් සිදු කරගෙන යන ක්රියාවලිය අනුමත කරන්නේ ජනතාවගෙන් සියයට 10ක තරම් අඩු ප්රතිශතයක් බව ස්වාධීන පර්යේෂණ ආයතනයක වන වෙරිටේ රිසර්ච් ආයතන විසින් සිදු කරන ලද සමීක්ෂණයකදී අනාවරණය වී තිබේ. මෙම ආයතනය විසින් කරන ලද මත විමසීමක් සහ විද්යානුකූලව කළ විශ්ලේෂණයකට අනුව මේ බව අනාවරණය වී ඇත.
ගැලොප් ක්රමවේදයට අනුව Gallup Style රටේ ජනතාවගේ මනොභාවය පිළිබඳව විමසීම වෙනුවෙන් කරන ලද මත විමසීම වෙරිටේ රිසර්ච් ආයතනය විසින් 2023 පෙබරවාරි මස මුලදී පවත්වන ලද අතර ඉන් රජය, රට සහ ආර්ථිකය සම්බන්ධයෙන් ජාතියේ අනුමැතිය, තෘප්තිය සහ විශ්වාසය තක්සේරු කරන ලදී.
එහිදී අසන ලද “ඔබ වත්මන් රජය ක්රියා කරන ආකාරය අනුමත කරනවාද ප්රතික්ෂේප කරනවාද?” යන ප්රශ්නය යොමු කර ඇති අතර එය අනුමත කර ඇත්තේ සමීක්ෂණයට බඳුන් වූ ජනතාව ගෙන් සියයට 10 ක් පමණි. පසුගිය 2022 ඔක්තෝම්බර් මාසයේ ද මෙම අගයම පැවැති අතර එය ඉන් පසු වර්ධනය වී නැති බව එයින් පෙනී යයි.
කෙසේ වුවද 2022 ජූනි මාසයේ දී මෙම අගය පැවතුණේ සියයට 3% ක මට්ටමකය.
“සාමාන්යයෙන්, ශ්රී ලංකාවේ දේවල් සිදුවෙමින් පවතින ආකාරය ගැන ඔබ සෑහීමකට පත්වන්නේද? නැතහොත් අතෘප්තිමත්ද?” යන ප්රශ්නයට අනුව සෑහීමකට පත්වන බව පැවසා ඇත්තේ 4% ක් පමණි. මෙම අගය සියයට 1.5කින් එහා මෙහා විය හැකි බව වෙරිටේ ආයතනය පවසයි.
මෙම ශ්රේණිගත කිරීම 2022 ඔක්තෝම්බර් මාසයේදී සියයට 7 සහ 2022 ජුනි මාසයේදී සියයට 2ක් විය. එයින් පෙනී යන්නේ පසුගිය ඔක්තෝබර් මාසයට සාපෙක්ෂව ශ්රි ලංකාවේ දැනට සිදුවෙමින් පවතින ආකාරය පිළිබඳව වතින තෘප්තිමත් භාවය තවදුරටත් අඩුව ඇති බවය.
කෙසේ වුවද සමස්ත ආර්ථිකය සම්බන්ධයෙන් ජනතාව මත තිබූ විශ්වාසය පසුගිය වසරේ ජූනි මාසසේදී සෘන 96ක පැවැති අතර එය පසුගිය පෙබරවාරි මාසයේදී සෘණ සියට 78.4ක් දක්වා ඉහළ ගොස් ඇත.
කෙසේ වුවද සමස්ත ආර්ථිකය සම්බන්ධයෙන් සමීක්ෂණයට බඳුන් වූ සියයට 78ක් පසුවන්නේ අතෘප්තිකර සෑහීමකට පත් නොවන තත්ත්වයක බව මෙම ප්රතිඵල පෙන්නුම් කරයි.
රටේ ආර්ථිකය විශිෂ්ඨ මට්ටක පවතින බවට විශ්වාස කරන පිරිස සියයට 0.03ක් වන අතර සියයට 6ක් විශ්වාස කරන්නේ හොඳ මට්ටමක පවතින බවය. ආර්ථිකය හොඳ මට්ටමක් දක්වා වර්ධනය වන බවට විශ්වාස කරන පිරිස සියයට 6.3කි.
මෙම මත විමසුම 2023 පෙබරවාරි මස මුලදී පවත්වන ලද අතර එය ශ්රී ලාංකික වැඩිහිටියන් දහසකට අධික පිරිසකගෙන් දිවයින පුරා ජාතික වශයෙන් නියෝජනය වන ප්රතිචාර නියැදියක් මත පදනම් වේ.
