-
තීරුබදු රහිත වාහන බලපත්ර ආහෝසි කිරීම, වසර 05ක ධූර කාලයක් සඳහා රජයේ වාහනයක් රාජකාරි පදනමින් ලබා දිම, අමාත්යවරුන්ට නිල නිවාස ලබා නොදීම, ඇතුලු ජනතා නියෝජිතයන් සම්බන්ධ මැතිවරණ පොරොන්දු ක්රියාත්මක කරන බව රජය නැවත කියයි..
කැබිනට් ඇමතිවරුන්ට සහ නිල නිවාස ලබා නොදීමටත්, නිල නිවාස අවශ්ය ජාතික ජන බලවේගයේ මන්ත්රීවරුන්ට මාදිවෙල නිවාස සංකීර්ණයේ පිහිටි නිවාස හවුල් භාවිත ක්රමයක් යටතේ ලබා දීමටත් රජය තීරණය කර ඇතැයි රජයේ ආරංචි මාර්ග පවසයි.
මෙතෙක් මන්ත්රීවරුන්ට හිමිව තිබූ තීරු බදු රහිත වාහන බලපත්රය ලබා නොදී සිය රාජකාරි ධූරය අවසන් වූ පසු එය නැවත රජයට ලබා දීමේ පදනම මත රාජකාරි වාහනයක් රජයෙන් ලබා දීමට සකස් කළ වැඩපිළිවෙළ ඉදිරියේ දී ක්රියාත්මක කරන බවද එම ආරංචි මාර්ග අවධාරණය කරයි.
පාර්ලිමේන්තු මන්ත්රීවරුන්ගේ වරප්රසාද කප්පාදු කිරීම සම්බන්ධව ජාතික ජන බලවේගය විසින් ලබා දුන් මැතිවරණ පොරොන්දුව ප්රකාරව මෙම තීරණ ගෙන තිබේ. මන්ත්රීවරුන් සඳහා තීරු බදු රහිත වාහන, ඇමති නිල නිවාස, මන්ත්රීවරුන්ගේ විශ්රාම වැටුප අහෝසි කිරීම, මහජන නියෝජිතයන්ට සුඛෝපභෝගී වාහන ලබා නොදීම, ජාතික ජන බලවේග ආණ්ඩුවේ මැතිවරණ පොරොන්දු අතර වේ.
ඒ අනුව ජාතික ජන බලවේගයේ මන්ත්රීවරුන්ට මාදිවෙල නිවාස පවා ලබා දෙන්නේ පාර්ලිමේන්තු කාලයේ දී අදාළ රාජකාරි සඳහා ස්ථානයක් අවශ්ය වීම යන පදනමින් බවද රජයේ ආරංචි මාර්ග ප්රකාශ කරයි.
මාදිවෙල මන්ත්රී නිවාස 120ක් ඇති අතර ඉන් මහජන නියෝජිතයන්ට ලබා දෙන්නේ නිවාස 112ක් පමණි. ඉන් නිල නිවාස ලබා ගැනීම සඳහා සියයකට ආසන්න මන්ත්රීවරුන් පිරිසක් අයදුම් කර ඇති අතර ජාතික ජන බලවේගයේ මන්ත්රීවරු 70කට ආසන්න පිරිසක් එම ඉල්ලීම කර ඇති බව පාර්ලිමේන්තු ආරංචි මාර්ග පවසයි.
