ශ්රියානි විජේසිංහ –
මහරගම අපේක්ෂා රෝහලේ රුපියල් කෝටි 45කට අධික විටිනාකමකින් යුතු PET ස්කෑන් යන්ත්රය වෙනත් CT පරීක්ෂණ සිදුකිරීමට භාවිතා කිරීමට උත්සාහ දරමින් සිටින බවත් මෙය යන්ත්රය ඉක්මනින් විනාශ වීමට හේතුවක් වන බවත් රජයේ විකිරණ තාක්ෂණවේදීන්ගේ සංගමය සඳහන් කරයි.
දැනට රජයේ රෝහල් පද්ධතිය සතුව පවතිනුයේ පෙට් ස්කෑන් යන්ත්ර 2ක් පමණක් බවත් කොළඹ ජාතික රෝහල තුළ එක් යන්ත්රයක්ද අපේක්ෂා රෝහල තුළ අනෙක් යන්ත්රයද ස්ථාපිත කර ඇති නමුත් ජාතික රෝහලේ ස්ථාපිත යන්ත්රය මාස 6කට ආසන්න කාලයක් බිඳවැටී ඇති බව සංගමයේ ලේකම් චානක ධර්මවික්රම සඳහන් කරයි.
දැනට ක්රියාකාරී තත්වයේ පවතින මහරගම අපේක්ෂා රෝහලේ යන්ත්රයද පරීක්ෂණ සිදුකරනුයේ සතියකට එක් දිනක් පමණක් බවත් එයට හේතුව වී ඇත්තේ එම පරික්ෂණ සඳහා අවශ්ය . FDG නැමැති ඖෂධය දිනපතා නොලැබීම නිසා බවත් ලේකම්වරයා කියයි.
මේ හේතුවෙන් රෝගීන් විශාල ප්රමාණයක් පොරොත්තු ලේඛනගතව සිටින අතර අදාල ඖෂධය දිනපතා සැපයීම කරන්නේ නම් දෛනිකව පරික්ෂණ විශාල සංඛ්යාවක් කර ගැනීමට හැකියාව පවතිනු ඇති බවද හෙතෙම පෙන්වා දෙයි.
මෙම පරික්ෂණයක් පුද්ගලික අංශයෙන් සිදුකර ගැනීමට රුපියල් ලක්ෂ 3ට ආසන්න මුදලක් වැය කලයුතු යුතු අතර රෝගීන් බොහෝමයක් අදාල පරික්ෂණයක කර ගැනිමට නොහැකිව අසරණ තත්ත්වයට පත්ව ඇති බවද වාර්තාවේ.
කෙසේ නමුත් රෝහල් බලධාරීන් අවශ්ය ඖෂධය දිනපතා ලබා නොදී මෙම යන්ත්රය වෙනත් සීටී (CT Simulation) පරීක්ෂණ සිදුකිරීමට රෝහල් බලධාරීන් බලපෑම් කරන බවද හෙතෙම පැවසුවේය.
මේ වනවිට පෙට් ස්කෑන් සිදුකරන යන්ත්රයක වටිනාකම රුපියල් කෝටි 45 ට වඩා වැඩි වන අතර වෙනත් CT පරීක්ෂණ සිදුකර ගත හැකි යන්ත්රයක් රුපියල් කෝටි 15 -17 වැනි මුදලකට මිලදී ගැනිමේ හැකියාව පවතින බවද චානක පවසයි.
අද වනවිට සෞඛ්ය අමාත්යාංශයේ බලධාරීන්ගේ අමනෝඥ තීන්දු තීරණ හේතුවෙන් සෞඛ්ය සේවාවට යොදවන යෙදවුම් විනාශ වන අතර සෞඛ්ය අමාත්යවරයා මැදිහත්වී මෙවැනි නාස්තිකාර වැඩ වහා නවතා දැමියයුතු බවද සංගමය පෙන්වාදේ.
