ගිලිහී යන බලය රැක ගැනීමට කරන සෑම ක්රියාකාරකමක් අවසානයේදීම සිදුවන්නේ ආණ්ඩුවේ බරපතල පිරිහීමක් බැවින් දැන්වත් ජනතාවට ඇහුම්කන් දෙන්නට පුරුදුවෙන ලෙස අගමැතිවරයාගෙන් සහ ජනාධිපතිවරයාගෙන් ඉල්ලා සිටින බව නිමල් ලන්සා අද පාර්ලිමේන්තුවේ දී කීවේය.
ගිලිහී යන බලය තබා ගැනීමට උත්සාහ නොකළ යුතුවන්නේ මේ සියලු දේ තාවකාලික නිසා යැයි කී හිටපු ඇමතිවරයා ඉපදෙන්නේ මැරෙන්න නියමවීමෙන් බව ජනාධිපතිවරයාටත් අගමැතිවරයාටත් සිහිකැඳවූයේය.
හිටපු රාජ්ය අමාත්ය නිමල් ලන්සා මෙසේද පැවසුවේය.
“අපි ඔක්කොටම අඬන්න වෙන අවස්ථාව හිනා වෙන්න එපා. පහුවෙන පහුවෙන දිනයක් පාසා ජන ජීවිතය විනාශ වෙනවා.
මා කතා නායක තුමාගෙන් වැඳලා ඉල්ලනවා. ඔබතුමා වගකීම ගන්න. පක්ෂ පා භේදයක් නැතිව සියලු දෙනා එකට ඇවිත් මේ ප්රශ්නය විසඳමු.
මිනිස්සු පක්ෂ පාට දේශපාලන වයස් භේද නැතිව පාරට බැහැලා තමන්ගෙ පීඩනය කියනවා. පොදුජන පෙරමුණෙන් මේ පාර්ලිමේන්තුවට පැමිණි නියෝජතයෙක් විදිහට පොදුජන පෙරමුණ නියෝජනය කරන ජනාධිපති තුමාට, අගමැතිතුමාට මා ආරාධනා කරනවා. දැන්වත් අපි ජනතාවට ඇහුම්කන් දෙන්න පුරදු වෙමු. ජනතාව කියන්නෙ මොකක් ද කියලා තේරුම් ගනිමු. අද ආණ්ඩුව අපි ලඟ තිබුණත් නැතත් මිනිස්සු අපිව මේ තැනට පත්කරලා එව්වේ මිනිස්සු වෙනුවෙන් වැඩ කරන්න. මේ පාර්ලිමේන්තුව තුළ අද අපි හැසිරෙන ආකාරය ගැන අද ජනතාව බලාගෙන ඉන්නවා. වෙනද හැසිරෙන විදිහ අද අපි අමතක කරමු.
සියලු දෙනා එකතුවෙමු රට වෙනුවෙන්… රටේ මිනිස්සු වෙනුවෙන්… අනාගත පරපුර වෙනුවෙන්… අනාගතේ ඉපදෙන්න ඉන්න දරුවො වෙනුවෙන්…
අපේ බලය තබා ගන්න අපි උත්සාහ කරන්න ඕන නෑ. මේ බලය තාවකාලිකයි. අපි ඉපදෙද්දිම මැරෙන්න නියමිත වෙලා තියනවා ස්ථිරව. ඒ නිසා බලය පත්වා ගැනීම සඳහා ජනතාව එපා කියන දේවල් කරන්න උත්සාහ කරන්න එපා. අපි තව තවත් පිරිහෙනවා.
ඒ වගේම විපක්ෂයට කියනවා ඊලඟට විපක්ෂයට කියන්නෙ තමන්ගෙ ඡන්දය වැඩි කරගන්නෙ කොහොමද කියලා හිතන්න එපා. අපි සියලු දෙනා එකතුවෙලා මේ ජනතාවගේ ප්රශ්නය විසඳන්න ක්රමයක් හදන්න. තමුන්නාසෙලා බලය අරන් මේ පාර්ලිමේන්තුව පාලනය කරන්න. අපි කොන්දේසි නැතිව සහන ලබා දෙනවා. තමුන්නාසෙලා ඕන තීන්දුවක් ගන්න. ඒ තීන්දුවට අපි අත උස්සනවා.
ඒ නිසා කතානායක තුමනි… මම නැවත ඔබතුමාගෙන් වැඳලා ඉල්ලන්නෙ…. ගරු ජනාධිපති තුමනි, ගරු අගමැති තුමනි, අපි සියලු දෙනා එකතුවෙලා මේ ප්රශ්නය විසඳන්න, හෙට ඉඳලා හරි ජනතාව සාමාන්ය ජීවිතයකට පත් කරන්න අවස්ථාව උදාකරලා දෙන්න.
