“අපිට යන්න කිව්වා, අපි යනවා” එසේ ප්රකාශ කරමින් හිටපු ජනාධිපති මහින්ද රාජපක්ෂ කොළඹ 07 විජේරාම පෙදෙසේ පිහිටි නිල නිවසින් අද පිටවී ගියේ..
එම අවස්ථාව ආවරණය කිරීම සඳහා මාධ්යවේදීන් ඇතුළු විශාල පිරිසක් පැමිණ සිටියහ.
ඔහු ප්රකාශ කළේ, දේශපාලන කටයුතුවල ඉදිරියටත් නිරත වන බව ය. හිටපු ජනාධිපතිවරයාගේ මාධ්ය ප්රකාශක ලෙස කටයුතු කරන නීතිඥ මනෝජ් ගමගේ කීවේ හිටපු නිවස යළි රජය වෙත භාර දීම සඳහා සතියක පමණ කාලයක් ගත වනු ඇති බව ය.
“අපි නිවස භාර දෙන්නේ සතියකින්. අර ඉන්ට්වෙන්ට්රි ටික ඔක්කොම සම්පූර්ණ කරලා. සර් අද තංගල්ලට යනවා නිල නිවසින් ඉවත්වෙලා,” මාධ්ය ප්රකාශකවරයා පැවසීය.
නීතිඥ මනෝජ් ගමගේ මාධ්ය වෙත අදහස් දක්වමින් කීවේ රජය ඩයස්පෝරාවට ලබා දුන් පොරොන්දුව ඉෂ්ඨ කළ බවය.
“මං හිතන්නේ හෙටින් පස්සේ මේ රට සුඛිත මුදිත වෙනවා. හෙටින් පස්සේ ආණ්ඩුව හිටපු ජනාධිපතිවරුන්ගේ වියදම් අඩු කරලා විදුලි බිල අඩු කරයි, පෙට්රල් මිල අඩු කරයි, පොල් ගෙඩියේ මිල අඩු කරයි, හාල් මිල අඩු කරයි… සියලු ම රටේ ප්රශ්න මම හිතන්නේ අදින් පස්සේ විසඳෙයි. ඡන්ද පොරොන්දුව මේ රටේ ජනතාවට නෙවෙයි එල්.ටී.ටී.ඊ. ඩයස්පෝරාවට දීපු පොරොන්දුවක් ඉෂ්ට කළා අද දවසේ.”
