සිය දේශපාන බලය පාවිච්චි කරමින් සුදුසුකම් සපුරා නොමැතිව වසර ගණනාවක සිට අනුරාධපුර රෝහලේ නියෝජ්ය අධ්යක්ෂවරයා ලෙස රැදී සිටි වෛද්ය දුලාන් සමරවීර තඹුත්තේගම රෝහලේ ලේ බැංකුවට සාමාන්ය වෛද්යවරයෙකු ලෙස ලැබු ස්ථානමාරුව පිලිනොගෙන අනුරාධපුර රෝහලේ නියෝජ්ය අධ්යක්ෂවරයා ලෙස කටයුතු කරමින් සිටින බව රෝහල් ආරංචි මාර්ග සඳහන් කරයි.
මේ වන විට රෝහල් නව අධ්යක්ෂවරයා සිය තනතුරේ වැඩ භාර ගනිමින් රෝහල් කාර්යය මණ්ඩලයත් සමඟ සුහද කථාබහක නිරත වෙමින් පසුවන මොහොතකදී වෛද්ය දුලාන් සමරවීර තවදුරත් නියෝජ්ය අධ්යක්ෂ තනතුරේ රැදී සිටින බව පැවසේ.
ඔහු සාමාන්ය වෛද්යවරයෙක් බවත් ඔහු නියෝජ්ය අධ්යක්ෂ තනතුරේ රැඳී සිටින්නේ කෙසේද යන්න පිළිබඳව මේ වන විටත් සෞඛ්ය අමාත්යංශය තුළ ප්රශ්න කෙරෙමින් පවතින බව ද වාර්තාවේ.
කෙසේ නමුත් ඔහු තඹුත්තේගම රෝහලට ලබා දුන් පත්විම භාර නොගෙන නියෝජ්ය අධ්යක්ෂ තනතුරක රැදී සිටියේ කාගේ වුවමනාවකට යන්න වහාම සොයා බැලිය යුතු බවද සෞඛ්ය අමාත්යංශය ආරංචි මාර්ග කියයි.
