ශ්රියානි විජේසිංහ –
අනුරාධපුර රෝහලේ වෛද්යවරියක් දූෂණය කිරිමේ සිද්ධිය සම්බන්ධයෙන් මේ වන විට පොලිස් කණ්ඩායම් 5ක් යොදවා සැකකරු අත්අඩංගුවට ගැනීම සඳහා ප්රදේශයේ සෝදිසි මෙහෙයෙමු ක්රියාත්මක කර ඇතැයි පොලිස් ආරංචි මාර්ග සඳහන් කරයි.
සැකරුවන් වහාම අත්අඩංගුවට ගන්නා ලෙස ඉල්ලා මේ වන විට අනුරාධපුර රෝහලේ සියලුම වෛද්යවරුන් වැඩ වර්ජනයක්ද ආරම්භ කර ඇති බව රෝහල් ආරංචි මාර්ග සදහන් කරයි.
රජයේ වෛද්ය නිලධාරින්ගේ සංගමය මේ වන විධායක සභාව රැස්කරවා ඉදිරියේදි වෛද්යවරුන්ගේ ආරක්ෂාව වෙනුවෙන් ගත යුතු ක්රියාමාර්ගයන් කුමක්ද යන්න පිළිබදව විශේෂ සාකච්ඡාවක් ආරම්භ කර ඇතැයි සංගමයේ මාධ්ය ප්රකාශක වෛද්ය චමිල් විජේසිංහ ලංකාසර කළ විමසුමකදි පැවසුවේය.
අනුරාධපුර රෝහලේ සේවය කළ මෙම 32 හැවිරිදි වෛද්යවරිය ඊයේ (10) සවස 6.30 – 7.00 අතර කාලයේදී ඇය රාජකාරිය නිමවා සිය නිල නිවසට පැමිණ ඇති අතර එහිදී , නාදුනන පුද්ගලයෙක් පැමිණ පිහියක් පෙන්වා ඇය දුෂණය කර තිබේ. සිද්දිය සම්බන්ධයෙන් ඇය අනුරාධපුර පොලිසියට පැමිණිලි කර ඇත.
