දිනසේන රතුගමගේ –
මේ මස 20 වෙනිදා උතුරු හා නැගෙනහිර පළාත් තුළ දියත් කිරීමට නියමිත පූර්ණ හර්තාලයට දෙමළ දේශපාලන පක්ෂ හතක් සහයෝගය ලබා දී තිබියදී ප්ලොට් සංවිධානය දෙකට බෙදී තිබේ.
ප්ලොට් සංවිධානයේ හිටපු මන්ත්රී හා වවුනියාව නගර සභාවේ හිටපු නගරාධිපති ජී.ටී. ලිංගනාදන් (විෂූ ) මහතා පෙන්වා දී ඇත්තේ මේ අවස්ථාවේදී හර්තාලයක් පැවැත්වීම තුළින් උතුරු නැගෙනහිර මහජනතාව දැඩි පීඩාවකට පත් වන බවයි.
මේ නිසා තමන් මෙම හර්තාලය අනුමත නොකරණ බවත් ඊට තමන් සහයෝගය ලබා නොදෙන බවත් වවුනියාවේදී මාධ්ය හමුවක් පවත්වමින් පැවසීය.
හිටපු මන්ත්රීවරයාගේ මෙම ප්රකාශයත් සමගම විශාල දෙමළ වැසියන් පිරිසක් ඔහුට සහය පල කරමින් හර්තාලයට සහය ලබා නොදීමට තීරණය කොට තිබේ.
මේ අතරවාරයේ ප්ලොට් සංවිධානයේ නායක ධර්මලිංගම් සිද්ධාර්ථන් මන්ත්රීවරයා ඇතුළු දෙමළ දේශපාලන පක්ෂ හතක් කියා සිටින්නේ සියළු දෙමළ ජනයාගේ සහය ඇතිව 20 දා උතුරු නගෙනහිර පළාත් වල පූර්ණ හර්තාලයක් දියත් කරණ බවයි.
සියළුම වෙළෙඳසැල් වසා දමන ලෙසත් ගමනාගමන කටයුතු අඩාල කරණ ලෙසත් පාසල් හා රජයේ කාර්යාල මෙන්ම බැංකු වසා දමා හර්තාලයට සහය ලබාදෙන ලෙසත් එම දේශපාලන පක්ෂ ඉල්ලීමක් කොට තිබේ.
මුලතිව් විනිසුරුවරයා සම්බන්ධයෙන් රජය අපක්ෂපාතී පරීක්ෂණයක් පවත්වා ඔහුට සාධරණය ඉටු කොට දිය යුතු බවත් දෙමළ ජනයාගේ නොවිසදුණු ප්රශ්න වලට රජයෙන් වහාම පිලිතුරු සපයා දිය යුතු බවත් කියමින් මෙම හර්තාලය දියත් කිරීමට තීරණය කොට ඇත.
