2024 මහ මැතිවරණයට අදාළ ප්රචාරක කටයුතු අද මධ්යම රාත්රියෙන් අවසන් වේ. අද මධ්යම රාත්රියේ සිට මැතිවරණ දිනය වන 14 වැනිදා දක්වා මැතිවරණ ප්රචාරක කටයුතු තහනම් බව ජාතික මැතිවරණ කොමිසමේ සභාපති ආර්.එම්.ඒ.එල් රත්නායක මහතා පවසයි. ඒ අනුව “නිහඬ කාලයක්” ක්රියාත්මක වනු ඇත.
මැතිවරණ පදනම මත පිහිටුවා ඇති ප්රචාරක කාර්යාලවල කටයුතු නොවැම්බර් 12 මධ්යම රාත්රියේ සිට අවසන් කළ යුතු බවද ඔහු මැතිවරණ අපේක්ෂකයින්ට මතක් කර දෙයි. එතැන් සිට ක්රියාත්මක විය හැක්කේ ඒ ඒ මැතිවරණ දිස්ත්රික්කවල පිහිටුවා ඇති පක්ෂ හෝ ස්වාධීන කණ්ඩායම් කාර්යාල පමණක් බව ඔහු පවසයි.
නොවැම්බර් 12 මධ්යම රාත්රිය දක්වා අපේක්ෂකයින්ට තම නිවෙස්වල ප්රචාරක කාර්යාල පවත්වාගෙන යා හැකි බව ජාතික මැතිවරණ කොමිෂන් සභාවේ සභාපතිවරයා වැඩිදුරටත් සඳහන් කරයි. කෙසේ වෙතත්, එහි කිසිදු ප්රචාරක ද්රව්ය ප්රදර්ශනය කළ නොහැකි බව ඔහු වැඩිදුරටත් පවසයි. ඊට අමතරව ඡන්ද මධ්යස්ථානයක සිට මීටර් 500ක අරයක් ඇතුළත ප්රචාරක කාර්යාලයක් හෝ අපේක්ෂකයෙකුගේ නිවසක් තිබේ නම් එහිද ප්රචාරක දැන්වීම් ප්රදර්ශනය නොකළ යුතු බවද ඔහු පවසයි.
මෙම මැතිවරණ නීති උල්ලංඝනය කරන ඡන්ද අපේක්ෂකයින්ගේ අපේක්ෂත්වයත් අහෝසි විය හැකි බවත් ඊට අදාල නීති ප්රතිපාදන පවතින බවත් මැතිවරණ කොමිසම සියලුම දේශපාලන අපේක්ෂකයින් වෙත සිහි කරයි.
