අද දිනයේ (15) රජයේ වනාන්තර 16ක් රක්ෂිත ලෙස ගැසට් කර තිබේ.
මෙරට වනාන්තර ආරක්ෂා කිරීම සඳහා රජය ක්රියාත්මක කරන වනස්පති ජාතික වැඩසටහන අද (15) පරිසර අමාත්ය වෛද්ය දම්මික පටබැඳි මහතාගේ ප්රධානත්වයෙන්, ගම්පහ, බජ්ජංගොඩ රක්ෂිත වනාන්තරයේ එළිමහන් රංග පීඨයේ දී ආරම්භ කරමින් මේ ගැසට් නිවේදනය ප්රකාශයට පත් කෙරිනි.
ඒ අනුව මොණරාගල දිස්ත්රික්කයේ මොණරාගල අඩවියේ ආගරේ, බන්ඩාරවාඩිය, කුඩාගොඩකන්ද, මිල්ලකැලේ, වන්තිබ්බාගොඩ, වෙහෙරගලකන්ද රජයේ වනාන්තරත් – සියඹලාණ්ඩුව අඩවියේ අඹත්තාහෙල රජයේ වනාන්තරයත්, වැල්ලවාය අඩවියේ කන්දෙයාය, පොරමැඩිල්ල, වැලිආර රජයේ වනාන්තරත් අද (15) දින සිට නව රක්ෂිත ලෙස ප්රකාශයට පත් කර ඇත.
අම්පාර දිස්ත්රික්කයේ අක්කරපත්තුව අඩවියේ පාලකුඩා කඩොලාන වනාන්තරය, අම්පාර අඩවියේ කරංගාව රජයේ වනාන්තරය, මහඔය අඩවියේ බදුලුගොඩ රජයේ වනාන්තරය සහ ලාහුගල අඩවියේ පානම උතුර රජයේ වනාන්තර ද අද දින සිට රක්ෂිත ලෙස ගැසට් කර තිබේ.
මහනුවර දිස්ත්රික්කයේ මහනුවර අඩවියේ රිලාගල සහ රජගල රජයේ වනාන්තර ද රක්ෂිත ලෙස ප්රකාශයට පත් කෙරිණ. ඒ අනුව මෙම සියලු රජයේ වනාන්තරවල හෙක්ටයාර 5711.75 ක වපසරියක භූමි ප්රමාණයක් රක්ෂිත බවට අද දින සිට ප්රකාශයට පත් කර ඇත.
පරිසර නියෝජ්ය අමාත්ය ඇන්ටන් ජයකොඩි සහ විශේෂ ආරාධිතයන් රැසක් මේ අවස්ථාවට සහභාගී වූහ.
