කීර්ති ප්රනාන්දු –
අද (22) උදෑසන වන විට පවතින අයහපත් කාලගුණ තත්ත්වය හේතුවෙන් දිස්ත්රික්ක 15 ක ප්රාදේශීය ලේකම් කොට්ඨාස 114 ක පවුල් 17078 ක පුද්ගලයන් 67591 ක් පීඩාවට පත් වී ඇතැයි ආපදා කළමනාකරණ මධ්යස්ථානය පවසයි .
එහිදී නිවාස අර්ධ හානි, 502 ක් වාර්තා වන බවත් කොළඹ ,කළුතර, සහ පුත්තලම දිස්ත්රික්කවල ආරක්ෂිත ස්ථාන 03 ක පවුල් 27 ක පුද්ගලයන් 122 නෙකු
රඳවා ඔවුන්ට අවශ්ය පිසූ ආහාර ඇතුළු පහසුකම් ලබා දී ඇතැයිද එම මධ්යස්ථානය කියා සිටි .
මේ අතර නිරිතදිග මෝසම් තත්ත්වය දිවයින හරහා ස්ථාපිත වෙමින් පවතින බැවින් වැසි හා සුළං තත්ත්වය තවදුරටත් බලාපොරොත්තු වන බව කාලගුණ විද්යා දෙපාර්තමේන්තුව අද ( 22) උදෑසන නිකුත් කළ කාලගුණ නිවේදනයේ සඳහන්වේ .
ඒ අනුව බස්නාහිර ,සබරගමුව, නුවරඑළිය, දිස්ත්රික්කවල ඇතැම් ස්ථානවල මිලිමීටර 150 ට වඩා තද වැසි ඇති විය හැකි බව පවසයි .
එසේම ගාල්ල ,මාතර, මන්නාරම දිස්ත්රික්කවල ඇතැම් ස්ථානවල මිලිමීටර 100 වඩා වැඩි තද වැසි ඇතිවිය හැකි බවද එම වාර්තාව මගින් පෙන්වා දෙයි .
දිවයිනේ බොහෝ ප්රදේශ අහස වලාකුළින් බරව පවතිනු ඇති බවත් බස්නාහිර, සබරගමුව, මධ්යම, වයඹ ,දකුණ සහ උතුරු මැද පළාත්වලට විටින් විට වැසි ඇතිවිය හැකි බවට සඳහන් කරයි .
එසේම මධ්යම කඳුකරයේ බටහිර බෑවුම් ප්රදේශවල සහ දකුණු පළාතේ විටින් විට පැයට කිලෝමීටර් 40- 50 ත් අතර තද සුළං ඇතිවිය හැකි බවද සෙසු ප්රදේශවල විටින් විට පැයට කිලෝමීටර් 30- 40 ත් අතර තරමක තද සුළං ඇතිවිය හැකි බවද කාරගුණ විද්යා දෙපාර්තමේන්තුව නිවේදනය කර සිටී .
