කීර්ති ප්රනාන්දු –
නොරොච්චොලේ තුන්වන ජනන යන්ත්රය අද අලුයම 1.02ට බිඳ වැටීමත් සමග මේ වනවිට ලක්විජය බලාගාරයේ ජනන යන්ත්ර තුනෙන් ක්රියාත්මක තත්ත්වයේ ඇත්තේ එක් ජනන යන්ත්රයක් පමණක් බවත් ඉන් පද්ධතියට එක් වන්නේ මෙගාවෝට් 270ක ධාරිතාවක් බවත් විදුලි බල මණ්ඩලය පවසයි. මෙම බිඳවැටීම සිදුවන විට බලාගාරයේ දෙවැනි අදියරේ ජනන යන්ත්රය නඩත්තු කටයුත්තක් සඳහා අක්රීය කර තිබේ.
අලුයම බිඳවැටුන 3වන ජනන යන්ත්රයට සම්බන්ධ බොයිලේරුවේ සිහිලන කාර්යය සඳහා සකසා ඇති දැවැන්ත ජල පොම්පයේ හුමාල කාන්දුවක් නිසා මෙම බිඳවැටීම සිදුවී ඇති බව මේ සම්බන්ධව ලංකාසර කළ විමසීමක දී විදුලි ඉංජිනේරු සංගමයේ සභාපති අනිල් රංජිත් ඉඳුවර පැවසීය. මෙම බිඳවැටීමත් සමග පද්ධතියට එක් වූ මෙගාවොට් 270ක ධාරිතාවක් ඇණහිටියේය.
පවතින තත්ත්වය සම්බන්ධව පැහැදිලි කරමින් ඔහු මෙසේ ද පැවසුවේය.
“තුන්වෙනි ජනන යන්ත්රයේ බොයිලේරුවට ජලය පුරවන විශාල වතුර පොම්පයේ හුමාල කාන්දුවක් වෙලා තිබුණා. ඇත්තටම මේ යන්ත්රය නඩත්තු කරන්න තිබුවේ වර්ෂ 2020 අවුරුද්දේ. නමුත් කොවිඩ් තත්ත්වයත් එක්ක චීන විශේෂඥ කණ්ඩායම් ලංකාවට ගෙන්වා ගැනීමේ ප්රායෝගික ගැටලුවක් ආවා. එමෙන්ම ඒ වසංගත වකවානුව තුළ මෙම යන්ත්රය නඩත්තුව සඳහා මුදා හැරීමත් ගැටලුවක් වුනා.“
“ මේ තත්ත්වය තමයි ජනන යන්ත්රයෙ මේ බිඳවැටීම ඇතිවෙන්නෙ ප්රධාන හේතුව වෙන්නේ. තවම අප දන්නෙ නෑ ඇතිවෙලා තියන ගැටලුව මොකක්ද කියලා. අප දන්නෙ හුමාල කාන්දුවක් ගැන පමණයි. යන්ත්රය සිහිලනය විය යුතුයි ඒ අසලට යන්න. ඒ සඳහා කාලයක් දෙන්න ඕන. ඊට පස්සෙ තමයි අපට එතෙන්ට ගිහින් ඇතිවෙලා තියන තත්ත්ව තක්සේරු කරලා අලුත්වැඩියාව කරන්න පුලුවන් වෙන්නෙ. අඩුම ගානෙ සතියක කාලයක් ගතවේවි. එය අලුත්වැඩියාව කරන්න අවශ්ය දැනුම අපේ ඉංජිනේරුවරුන්ට තිබෙනවා.“
“ මේ තත්ත්වය තුළ අනිවාර්යයෙන් දැන් තිබෙන කාලයට වඩා වැඩි කාලයක් විදුලි කප්පාදුවකට යන්න වේවි. කෙසේ වෙතත් එහි කාලය සීමාව ජල විදුලිය නිපදවීමේ හැකියාව, තාප විදුලිය නිපදවන්නට ඉන්ධන යෙදවීමේ ශඛ්යතාවය අනුව අඩු වැඩි වෙන්න පුලුවන්.“
විදුලි ඉංජිනේරු සංගමයේ සභාපති අනිල් රංජිත් ඉඳුවර පැවසුවේය.
