ශ්‍රියානි විජේසිංහ –
වෘත්තීය වෙනස්කම් කීපයක් ඉටු කරන්නැයි ඉල්ලා පරිපූරක වෛද්‍ය වෘත්තිකයන් ලබන බ්‍රහස්පතින්න්දා (24) දිවයිනපුරා රෝහල්වල සංකේත වැඩ වර්ජනයක් ආරම්භ කරන බව පරිපූරක වෛද්‍ය සේවා එකාබද්ධ බලමණ්ඩලය සඳහන් කරයි.
පරිපූරක වෛද්‍ය සේවාවේ වෙනස් විය යුතු වෙනස්කම් සිදුකර ගැනීම සඳහා දිගු කාලයක් උත්සාහ කළ නමුත් සෞඛ්‍ය අමාත්‍යංශයේ අතැම් නිලධාරීන් සහ ඇතැම් වෘත්තීය සමිතිවල බලපෑම මත මෙය ඉටුකර ගැනීමට නොහැකි වූ බැවින් මෙම සංකේත වැඩ වර්ජනය ආරම්භ කරන බව එම බලමණ්ඩලයේ සභාපති රවී කුමුදේශ් කියයි.
බලමණ්ඩයේ වෙනස්කම් අතර පරිපූරක වෛද්‍ය සේවාවේ බඳවා ගැනීමේ පටිපාටිය සංශෝධනය කිරීමට එරෙහිව පවතින බාධා ඉවත් කිරීම , පරිපූරක වෛද්‍ය සේවාව අයවිය යුතු දීමනා වර්තමානයට ගැලපෙන සේ යාවත්කාලීන කිරිම, වෘත්තීය සමිති මර්දනය කිරිම හා නායකයින් දඩයම් කිරීම වහාම නතර කිරීම ඇතුළු වෙනස්කම් කිරීමට එරෙහිව පවතින බාධාවන් ඇතුළු තවත් වෙනස් විය යුතු ඉල්ලීම් කීපයක් මුල් කර ගනිමින් මෙම මැඩ වර්ජනය ආරම්භ කරන බව හෙතෙම පැවසුවේය.
මෙම වැඩ වර්ජනය හේතුවෙන් රෝහල්වල බාහිර රෝගී අංශයේ ඖෂධ නිකුත් කිරීම , රසායනාගාර පරික්ෂණ, එක්ස්කිරණ පරික්ෂණ, ඇතුළු සේවාවන් මුළු මනින්ම නතර වෙන බව බලමණ්ඩලය අනතුරු අඟවා සිටියි .
