දිනසේන රතුගමගේ –
අකුණු සැර වැදීම නිසා පසුගිය දින දෙක ඇතුළත යාපනයේ නිවාස හතරකට අලාභ හානි සිදුව ඇති අතර පුද්ගලයින් 19 දෙනෙකු තුවාල ලබා තිබේ.
තුවාල ලබා ඇති පුද්ගලයින් 19 දෙනා පවුල් හයකට ඇතුළත් පිරිස් වන අතර ඔවුන්ගෙන් දෙදෙනෙකු පමණක් බරපතල තුවාල ලබා තිබේ.
මෙම අකුණු සැර වැදී ඇත්තේ යාපනයේ උඩුවිල් ප්රාදේශීය ලේකම් කාර්යාලය යටතේ J/208 ග්රාම සේවක කොට්ඨාශයේ පවුල් දෙකක පුද්ගලයින් හත් දෙනෙකු, කොප්පායි ප්රාදේශීය ලේකම් කාර්යාලය යටතේ J/279 ග්රාම සේවක කොට්ඨාශයේ එක් පවුලක පුද්ගලයින් පස් දෙනෙකු, චාවකච්චේරි ප්රාදේශීය ලේකම් කාර්යාලය යටතේ J/301 ග්රාම සේවක කොට්ඨාශයේ පවුල් දෙකක පුද්ගලයින් තිදෙනෙකු සහ මරුතන්කර්නි ප්රාදේශීය ලේකම් කාර්යාලය යටතේ J/426 ග්රාම සේවක කොට්ඨාශයේ එක් පවුලක පුද්ගලයින් සිව් දෙනෙකුටය.
අලාභ හානි සිදු වූ නිවාස ප්රතිසංස්කරණය කිරීමට පියවර ගෙන ඇති අතර අකුණු සැර වැදීමෙන් තුවල ලැබූ පිරිසටද සහන සලසා දී තිබේ.
