වෙජි‍ටේරියන් කට්ටිය‍ගේ ප්‍රියතම කෑම මොකද්ද කියලා ඇහු‍වොත් ඉතින් ආ‍යේ දෙකක් නැහැ සෝයා මීට් සහ පරිප්පු තමයි. නන්‍‍වෙජ් සංග‍මෙන් ඇහු‍වොත් පරිප්පුයි සැමනුයි නැඟලා යන කෑමක් කියයි. හැබැයි ඉතින් පරිප්පු කෙ‍සේ වෙතත්අනිත් කෑම වර්ග දෙක ගැනම කා‍ලෙන් කාලෙට එක එක කතා ඇ‍හෙන නිසා මොකටද නිකන් අවදානමක් ගන්‍‍නේ… මේවා ගෙදරම හදා ගන්න පුළුවන් නම් ඔය පිලිකා කාරක ගැනයි පරණ ටින් කෑම ගැනයි අහලා ළත වෙ‍න්‍නේ අවශ්‍ය නැහැ. මුලින්ම සොයා මීට් ගෙදරදි හදාගන්න විදිහ ඔබට කියලා දෙන්නම්. ඊට පස්සෙ සැමන් ගෙදරදි හදා ගනිමු.
සෝයා මීට් හදන්නෙ මෙන්න මෙහෙම.
අවශ්‍ය දෑ –
- සොයා හෝ මුං ඇට 500g
- මිරිස් කුඩු මේස හැන්දක්
- තුනපහ මේස හැන්දක්
- කරපිංචා
- ගම්මිරිස් තේ හැන්දක්
- ඉඟුරු කෑල්ලක්
- සුදු ළුණු බික් 3/4
- කහ තේ හැන්දක්
- අවශ්‍ය නම් රස ගැන්වීමට සැමන් හෝ අබරාගත් මස් 100g
සොයා හෝ මුංඇට රැයක් පෙගෙන්න දාගන්න. පසු දින හොඳට පිටි වෙන්න කොටා ගන්න. බ්ලෙන්ඩර් කරද්දි මිරිස්, තුනපහ ,කරපිංචා ,ගම්මිරිස් ,ඉඟුරු කැබැල්ලක්, සුදු ළුෑනු සහ ලුණු එකතු කරගන්න. ක්‍රීම් එකක් ව‍ගේ වෙනකල්ම බ්ලෙන්ඩර් කර ගන්න ඕ‍නේ. හදා ගත් මේ මිශ්‍රණය steamකරගන්න පැය බාගයක් විතර . හැබැයි ඔයාලා ගන්න මුං ප්‍රමාණය අනුව steam වෙන්න යන වෙලාව වෙනස් වෙන්න පුළුවන්. steam වුණාට පස්සේ හොඳින් නිවෙන්නට හැර අවශ්‍ය තරමේ කොටස් කපාගන්න . ඊට පස්සේ ඉතින් ති‍යෙන්‍‍නේ ගෙදර ති‍යෙන තුනපහ එකතු කරලා වෙනදා ව‍ගේම ඔයාලා කැමැති විදිහට සෝයා මීට් ටික හදා ගන්න තමයි. හදා ගත්තු සෝයා මීට් ටික අධිශීතකරණයේ ටික දවසක් තියා ගන්නත් පුළුවන්.
සැමන් සාදාගන්න හරිම ලේසියි.
අවශ්‍ය දෑ –
- ලින්නා මාළු ග්‍රෑම් 500ක්
- ලුණු තේ හැඳි දෙකක්
- ගොරක
මාලූ ටික හොඳින් හෝදලා ලුණු තේ හැඳි 2 ක් ගොරක කෑල්ලක් දෙකක් දාලා pressure cooker එ‍කේ මාළු ටික වැහෙන තරමට වතුර දාලා ලිපේ තියන්න. ජල වාෂ්ප පිට වෙද්දිම ලිපේ ගින්දර හොඳටම අඩු කරලා තව මිනිත්තුව 35 ක් විතර එ‍හෙම තම්බ ගන්න. විනාඩි 35 රවර වෙද්දි ලිපෙන් බා‍ගෙන විනාඩි 10 විතර එ‍හෙමම තියන්න. පියන ඇරලා මාළු ටික ඉවතට ගන්න ඕ‍නේ ලිපෙන් බාලා විනාඩි දහයට පස්සේ. පීඩනය වැඩි වුණාහම උෂ්ණත්වය වැඩි වෙන නිසා කටු ටික කුඩු වෙනවා. දැන් සැමන් කන්න පුළුවන් ඔයාලට කැමැති විදිහකට.
