පවතින ආර්ථික දුෂ්කරතා මත විවිධ සමාජ ස්ථරවල ජනතාව දැඩි මානසික පීඩනයකට පත්වන තත්ත්වයක් නිර්මාණය වී ඇති බවත් මේ මානසික පීඩාවන්ට ලක් වන පුද්ගලයන් මනෝ උපදේශකයන් ලෙස සමාජයේ පෙනී සිටින වංචාකාරයන්ගෙන් උපදෙස් පැතීමට ගොස් අමාරුවේ වැටෙන බවත් සමගි ජනබලවේග මාතලේ දිස්ත්රික් පාර්ලිමේන්තු මන්ත්රි රෝහිණි කවිරත්න මහත්මිය අද පාර්ලිමේන්තුවේදී ප්රකාශ කළාය.
එබැවින් නිසි සුදුසුකම් පවතින පුද්ගලයන් වෙතින් ඔවුන්ට උපදේශන සේවා ලබා දිය යුතු බවත් මෙම මනෝ විශේෂඥයන් ලෙසින් පෙනී සිටින පුද්ගලයන් ඔවුන්ට පවතින වෘත්තීය සුදුසුකම් මත නියාමනය කිරීමට කටයුතු කරන ලෙසත් ඇය පාර්ලිමේන්තුවට යෝජනා කළාය.
“ අපි දන්නවා අද මේ රටේ ජනතාවට ලොකු මානසික පීඩනයකින් ජීවත් වෙන් වෙලා. විදුලිය නැතිව සාමාන්ය ජන ජීවිතයට විශාල බලපෑමක් ඇති වෙලා. ගෑස් නැති නිසා ගෘහණියට දර ලිපේ උයන්න සිදුවීම කාර්ය බහුල කාන්තාවකට ඇත්තටම මානසික පීඩනයක්. කාර් එකේ යන කෙනාට බස් එකේ යන්න වෙලා. තුන්වේල කාපු අයට දෙවේලක් කන්න වෙලා. දරුවන්ගේ අධ්යාපනයට වියදම් කිරීමට නොහැකි වෙලා. මේ සියල්ලෙන්ම සිදුවන්නේ මානසික ආතතිය ක්ලමතිය විශාදය වැනි මානසික රෝගාබාධ තත්ත්ව වර්ධනය වීම . එහෙම අය යනවා විවිධ උපදේශකයෝ ළඟට සහනයක් පතාගෙන. ඔවුන් සමහරු බොරු උපදේශකයෝ. ඔවුන්ගේ සුදුසුකම් බලන්න ඕන. ඔවුන්ට වෘත්තීය භාවයක් තිබිය යුතුයි. මේ සඳහා යම් නියාමන ක්රමයක් රජය මඟින් සිදු කළ යුතු වනවා. එහෙම නැතිනම් සිදුවන්නේ ඔවුන් තිබුණටත් වඩා ලොකු අමාරුවල වැටීම. මේ වන විටත් අපේ රටේ කාන්තාවන් එවැනි බරපතල අර්බුදවලට මුහුණ දී තිබෙනවා යයි ප්රකාශ කළේ මේ පිළිබඳව නියාමනයක් අවශ්ය බවට සිය පෞද්ගලික මන්ත්රී යෝජනාව ඉදිරිපත් කරමිනි.
මේ යෝජනාව අනුමත කළ පාර්ලිමේන්තු මන්ත්රි බුද්ධික පතිරණ මහතා එම තත්ත්වය රටට විශාල අර්බුදයක් බව පැහැදිළි කළේය.
ඔහු සඳහන් කළේ මෙවැනි මනෝ උපදේශන ලබා දෙනවා නම් ඔවුන්ට විශ්ව විද්යාල ප්රතිපාදන කොමිසම යටතේ ලියාපදිංචි ආයතනයක් මඟින් ලබා දෙන පුද්ගලයකු පත් කළ යුතු බව ඔහු සදහන් කළේය
