සූරියවැව නුවන් ජයසේකර –
සූරියවැව, රන්මුදුවැව කනිෂ්ඨ විද්යලයේ 16 හැවිරිදි සිසුවකුට අමානුෂික දඩුවමක් ලබාදූන් බවට චෝදනා එල්ල වූ සැකකාර විදූහල්පතිවරයා සූරියවැව පොලිසිය විසින් අත්අඩංගුවට ගෙන හම්බන්තොට මහේස්ත්රාත් අධිකරණයට ඉදිරිපත් කිරීමෙන් පසු රුපියල් 25.000ක ශරීර ඇපයක් මත මුදා හරින ලෙස හම්බන්තොට මහේස්ත්රාත්වරයා ඊයේ (27) නියෝග කරන ලදී.
මෙලෙස ඇප මත නිදහස් කෙරුනේ සූරියවැව, රන්මුදුවැව කනිටු විද්යාලයේ විදූහල්පති ලෙස කටයුතු කරන දිලිප් කුමාර ය. විදුහල්පතිවරයාගෙන් පහර කෑ සිසුවා රෝහල්ගතව දින 08ක් සිටිය දිත් සිසුවාගෙ මව කළ පැමිණිල්ලට අනුව ඔහුව අත් අඩංගුවට නොගැනීම සම්බන්ධව චෝදනා එල්ල විය. සූරියවැව ප්රාදේශීය සභාවේ මාලිමා මන්ත්රීවරියකගේ ස්වාමිපුරුෂයා වීම නිසා දේශපාලන බලපෑමක් සිද්ධිය පසුපස ඇතැයි වින්දිත පාර්ශවය චෝදනා කළේය.
සැකකාර විදූහල්පතිවරයා විසින් පසුගිය 18 වන දින රන්මුදූවැව කනිටු විද්යාලයේ 11 ශ්රේනියේ ඉගණුම ලබන සිසුවකුට අමානුෂික පහර දී දඬුවම් කිරිම නිසා සිසුවාට දින 08ක් හම්බන්තොට මහ රෝහලේ නේවාසික ප්රතිකාර ලබාගෙන තිබිණි.
.සිද්ධිය සම්බන්දයෙන් සිසුවාගේ මව වන උදේනි පේක්ෂා යන අය විසින් සූරියවැව පොලීසියට පැමිණිල්ක්ද ගොනු කෙරුණු නමුත් පැමිණිල්ලට පොලීසියෙන් සාධාරණ පරීක්ෂයක් සිදු නොවීම නිසා සිසුවාගේ මව මේ සම්බන්ධයෙන් මාතර හම්බන්තොට බාර නියෝජ්ය පොලිස්පතිවරයාවද දැනුවත් කර තිබේ.
එහිදී ද දැනුම් දී ඇත්තේ විදුහල්පතිවරයෙකු හෝ ගුරුවරයෙකු විසින් සිසුවෙකුට පහර දීමක් කළහොත් අත්අඩංගුවට නොගන්නා ලෙස පොලිස්පතිවරයා විසින් චක්රෙල්ඛයක් මගින් දැනුවත් කර ඇති බවත් බරපතල පහරදීමක්නම් පමණක් එසේ කළයුතු බවත් ය..
කෙසේ නමුත් සිද්ධිය සම්බන්ධයෙන් මාධ්ය වාර්තා පලවීමත් සමග සැකකාර විදුහල්පතිවරයා සූරියවැව පොලීසිය විසින් අත්අඩංගුවට ගෙන හම්බන්තොට මහේස්ත්රාත් අධිකරණයට ඉදිරිපත් කිරීමට පියවර ගැණුනි.
මෙම පහරදී සිදූව ඇත්තේ ඉකුත් 18 වන දා මෙම සිසුවා ඇතුළු තවත් සිසුන් කීප දෙනකු විසින් පන්ති කාමරයේ ඩෙස් එකකට තට්ටු කරමින් ගීත ගයමින් සිටිය දිය. විදූහල්පති එම ස්ථානයට පැමිණ මෙම සිසුවාගේ කනට අතින් පහර දී අනෙක් සිසුන්ට ද වේවැලකින් පහර දී නැවතත් මෙම සිසුවා කාර්යාල කාමරය වෙත ගොස් පහරදී ඇති බවට හෙළි වී තිබේ.
අනතුරුව මෙම පහරදීම හේතුවෙන් සිසුවාට ඇති වූ ආසධ්ය තත්වය හේතුවෙන් මෙම සිසුවා තනමල්විල රෝහල වෙත ඇතුළත් කිරීමෙන් පසු වැඩිදුර ප්රතිකාර සඳහා එදිනම හම්බන්තොට මහ රෝහල වෙත මාරුකර යවා ඇත.
සිසුවා රෝහලේ දින 08ක් නේවාසිකව ප්රථිකාර ලබා නිවසට පැමිණ තිබේ.
මෙම පහරදීම හේතුවෙන් සිසුවාගේ අක්ෂිවලට යම් බලපෑමක් සිදුව ඇති හෙයින් මෙම සිසුවා වෛද්යවරයා විසින් අක්ෂි සායනයක් සදහා යොමු කර ඇත. පහර කෑම නිසා සිසුවා මානසික කම්පනයකට පත්ව ඇති හෙයින් මනෝ වෛද්ය සායනයකටද ඔහු යොමු කර තිබේ.
සැකකරුට එරෙහි නඩුව යලි 2026.02.20 වන දින කැදවීමට නියමිතය.
