දිට්වා සුළි කුණාටුව සමග ඇති වූ ව්යසන අවස්ථාවේ දී රාජ්ය නිලධාරින් කළ අසීමිත කැප කිරීම් අත් දැකීමෙන් දුටු බවත් සිය දරු පවුල්වලට සිදුවන්නේ කුමක් දැයි නොසොයා දින ගණන් රාජකාරි ස්ථානයේ සේවය කළ රාජ්ය නිලධාරිනියන් සහ නිලධාරීන් දින තුන හතර නිදි නැතිව සියලුම ආයතන සමග එක්ව කළ කැපකිරීමේ ප්රමාණය නොවන්නට මේ ව්යසනය මේ තරම් ඉක්මනින් කළමනාකරණය කරගත නොහැකිවනු ඇති බවත් ප්රවාහන නියෝජ්ය අමාත්ය වෛද්ය ප්රසන්න ගුණසේන පැවසුවේය.
“ලංකාවේ රාජ්ය යාන්ත්රණය ගැන තිබ්බෙ කළු රූපයක්. ඒත් ඒ රාජ්ය යාන්ත්රණය අපි එක්ක වැඩ කළ ආකාරය ගැන අත්දැකීම් පුද්ගලිකවම ලැබුවා. මහනුවර දිසාපති තුමා පැය 48කට පස්සේ පැය 02ක් නිදා ගත්තේ . අතිරේක දිසාපතිවරුත් එහෙමයි. කාන්තා පිරිමි කියලා වෙනසක් තිබ්බෙ නෑ. දන්නේ නෑ දරු පවුලක් තිබ්බා ද කියලා. මනුස්යෙක් ඉන්නව ද කියලා දන්නේ නෑ. පැය 24 පුරාම දින තුන හතර එක තැන රැඳී සිටිමින් තමන්ගෙ රාජකාරියට එහා ගිය භාරදූර වගකීමක් ඉටු කළා.” ඇමතිවරයා පැවසුවේය.
අද පාර්ලිමේන්තුවේ දී කතා කරමින් ප්රසන්න ගුණසේන නියෝජ්ය අමාත්යවරයා මෙසේ ද කීවේය.
මේ අර්බුදය නිවැරදි දේශපාලන නායකත්වය දුන්නා. අපේ මන්ත්රිවරුන්ගේ ගෙවල් යට වුනා. දරු පවුල් ඉන්නව ද නැද්ද දන්නේ නෑ. ඒවා ගැන හෙව්වේ නෑ. දිවා රෑ නැතිව මේ වැඩේ හා එක්ව හිටියා.
ප්රාදේශීය සභා මන්ත්රීවරුත් එහෙමයි. අපට නොපෙනෙන සංවිධායක සහෝදරවරු ඉන්නවා. දරු පවුල් කඳවුරුවල. ඔවුන් රජයට භාර දීලා තවමත් කැපවෙන අය මේ අර ඉන්නවා. ඒ වගේ දේශපාලන ව්යාපාරයක් නිසා තමයි මේ වැඩේ මේ විදිහට ගොඩදැම්මේ. අපේ දේශපාලන පුයර බබාලා නෑ. අපට දරා ගැනීමේ හැකියාව හොඳට හුරුයි. මේ ව්යසනයට සාර්ථකව මුහුණ දීමට අවශ්ය නායකත්වය ලැබුණෙ ඒ දරා ගැනීමේ ශක්තිය නිසා.
අපි වරක් දේශපාලනයෙන් අතු ගා දාන්න හදපු ව්යාපාරයක්. හැබැයි අපි නැගිට්ටා. අනන්ත ප්රතික්ෂේප කිරීම් තිබ්බා. මතවාදී පිලිකුල් කිරීම් තිබ්බා. හැබැයි ඒක අතරෙත් අරමුණක් තියාගෙන ජයග්රහණය සඳහා ඒකායන බලාපොරොත්තුවක් සහිතව කැපවීමෙන් මෙහෙයවපු ව්යාපාරයක් අපි.
ලොවෙත් දිනන්න බෑ කියද්දිත් ලොවෙත් නැතිවෙන්න දිනපු ව්යාපාරයක් අපි. ඒ හැකියාව ඒ මෝටිවේෂන් එක අප තුළ තිබෙනවා. අප තුළ තිබෙන ඒ විශ්වාසය උඩ තමයි රාජ්ය යාන්ත්රණයත් අපි එක්ක එක් වෙලා තිබෙන්නේ. ඒ නිසා තමයි කවදාවත් නැති විදිහට රාජ්ය යාන්ත්රණය සක්රීය වෙලා තිබෙන්නේ. විදෙස් ආධාර ගලාගෙන එන්නෙ ඒ නිසා. ලංකාවේ ඉන්න පුරවැසියන් ආධාර දෙන්නේ එ් නිසා.
ලංකාවේ රාජ්ය යාන්ත්රණය ගැන තිබ්බෙ කළු රූපයක්. ඒත් ඒ රාජ්ය යාන්ත්රණය අපි එක්ක වැඩ කළ ආකාරය ගැන අත්දැකීම් පුද්ගලිකවම ලැබුවා. මහනුවර දිසාපති තුමා පැය 48කට පස්සේ පැය 02ක් නිදා ගත්තේ . අතිරේක දිසාපතිවරුත් එහෙමයි. කාන්තා පිරිමි කියලා වෙනසක් තිබ්බෙ නෑ. දන්නේ නෑ දරු පවුලක් තිබ්බා ද කියලා. මනුස්යෙක් ඉන්නව ද කියලා දන්නේ නෑ. පැය 24 පුරාම දින තුන හතර එක තැන රැඳී සිටිමින් තමන්ගෙ රාජකාරියට එහා ගිය භාරදූර වගකීමක් ඉටු කළා.
ඒ වගේම තමයි ප්රාදේශීය ලේකම්වරු. ඒ වගේම තමයි බිම ඉන්න ග්රාමසේවක නිලධාරීවරු. සංවර්ධන නිලධාරීවරු. අති බහුතරයක් තමන්ගේ රාජකාරි වපසරියේ සීමාවෙන් එහාට ගිහිල්ලා මේ ආපදා තත්ත්වයේ දී තමන්ගේ වගකීම ඉටු කළා. ඒ යාන්ත්රණය ගැන දැන් මේ දේශපාලන අධිකාරිය කෙරෙහි විශ්වාසය තබලා තියනවා. දැන් අවුරුද්දක් ඒ ගොල්ල එක ගනුදෙනු කළා. ඕන තරම් හැලහැප්පීම් තියෙන්න ඇති. ආගියුමන්ට් ඕන තරම් තියෙන්න ඇති. හැබැයි ඔවුන් අපව කියව ගත්තා කියන විශ්වාසය අප තුළ තිබෙනවා. එදා අපි ප්රතික්ෂේප කළ ජනතාවත් අපව කියවාගෙන තිබෙනවා.
ස්වේච්ඡාවෙන් මේ අවස්ථාවට එක් වුන බහුතර ජනතාවක් ඉන්නවා. පාරවල් හදන්න කෝච්චි පාරවල් හදන්න… පැය 24න් දවස් 10න් කෝච්චිපාරවල් හදන්න බෑ අපට. අපි ඒක හැදුවේ ඒ කැපවීමත් එක්ක. ඒ මිනිස්සුත් එක්ක. ඒ රාජ්ය යාන්ත්රණයත් එක්ක. ඒ ඒකාබද්ධ වෙච්චි යාන්ත්රණය තුළ මේ රට අපට ගෙඩදාන්න පුලුවන් කියන දැඩි විශ්වාසය තිබෙනවා.
