ශ්රීමතී විජේරත්ත – අඹන්පොල –
මහව අධ්යාපන කලාපයේ ගල්ගමුව අධ්යාපන කොට්ඨාසයේ අති දුෂ්කර ප්රදේශයක පිහිටි එරියාව මහින්ද ප්රාථමික විද්යාලය පහ ශ්රේණියේ ශිෂ්යත්ව විභාග ප්රතිඵලවලින් මෙවරත් විශිෂ්ට ජයක් අත්පත් කරගෙන ඇත. මේ වන විටත් මහව අධ්යාපන කලාපයේ මෙන්ම වයඹ පළාතේ ප්රථම ස්ථානයේ සිටින මෙම විදුහල මෙවර ශිෂ්යත්ව විභාගයෙන් හිමි කරගත් ප්රතිඵලය සියයට හැට අටකි. (68%). ඒ ශිෂ්යත්ව විභාගයේ කඩඉම් ලකුණ සමත් ප්රතිශතය ය.
මෙවර එම විදුහලෙන් ශිෂ්යත්ව විභාගයට පෙනී සිටි ශිෂ්ය සංඛ්යාව තිස් එකකි.(31). එයින් සිසුන් විසි එක් දෙනෙක් (21) කඩඉම් ලකුණ ජයගෙන ඇත. ලකුණු සියය ඉක්මවූ ශිෂ්ය ප්රතිශතය සියයට සීයකි.(100%).
විවිධ දුෂ්කරතා මැද පවත්වාගෙන යන මෙම පාසල වසර කීපයක් තිස්සේ පහ වසර ශිෂ්යත්ව විභාගයෙන් දිවයිනේ ප්රථම ස්ථානය ලබමින් විශිෂ්ට ජයග්රහණ පෙන්වූ පාසලකි.
විභාග දෙපාර්තමේන්තුව මඟින් ස්ටැනයින් පරිමාණ දර්ශකයට අනුව කරන ලද ඇගයීමෙන් 2016 වර්ෂයේ 62%, 2019 වර්ෂයේ 65%, 2022 වර්ෂයේ 78%, 2023 69%, 2024 89% වශයෙන් මෙම අවුරුදුවල ශිෂ්යත්ව විභාග ප්රතිඵලවලින් දිවයිනේ ප්රථම ස්ථානය ලබා ගත්තේ මෙම පාසලයි.
මෙවර ශිෂ්යත්ව විභාගයෙන් මෙමෙ පාසලේ වැඩිම ලකුණ එනම් ලකුණු එකසිය අසූ දෙකක් (182) වාර්තා කරන්නේ ටී.එම්. තෙවිදු නිම්සිළු තෙන්නකෝන් ශිෂ්යයායි. ඔහු මෙසේ පැවසුවේය.
“අපි අමතර පන්ති වලට සහභාගි වුණේ නෑ. පාසලෙන් විතරයි ඉගෙනගත්තේ. අපිට අමතර පන්ති වලට යන්න වෙලාවක් තිබුනෙත් නෑ…අපිට පාසල ගෙදර වගේ. හරිම විනෝදයෙන් තමයි අපි පාසලේ වැඩ කටයුතුකළේ. පොත්පත්වලට පමණක් සීමා වෙන්නේ නැතුව අපි ප්රායෝගිකව හැමදේම ඉගෙන ගත්තා. පාසලට කීර්තියක් ගෙන එන්නට මට හැකි වුණාට බොහොම සතුටුයි. මගේ යාලුවෝ ගොඩාක් මෙවර ශිෂ්යත්ව විභාගය සමත් වුණා. අනාගතයේ රටට දැයට වැඩක් ඇති යහපත් පුරවැසියෙක් වෙන්න තමයි මගේ බලාපොරොත්තුව.”
ඩබ්.එම්. දිනුලි උමායා වන්නිනායක .
” මෙවර ශිෂ්යත්ව විභාගයෙන් මගේ ලකුණු එකසිය හැත්තෑ හතරයි.(174). හිතට හරිම සතුටක් දැනෙනවා…..අපි පාසලේ ඉගෙනීම් කටයුතු කළේ ඉතාම සතුටින්……විදුහල්පතිතුමා , පන්තිභාර ගුරුතුමා, සහ ගුරු මණ්ඩලයේ හැමෝම අපිට ඉගෙන ගන්න උදව් කළා. දෙමව්පියන් හැමෝමත් උදව් කළා..ඒ හැමෝටම ගොඩක් ස්තූතියි …”
කේ. ජී. ලහිරු කොළඹගේ
මෙවර ශිෂ්යත්ව විභාගයට පෙනී සිටි පන්තියේ පන්තිභාර ගුරුවරයා ලෙස කටයුතු කළේ මම. පළමු ශ්රේණියේ සිටම මේ පාසලේ ක්රියාත්මක වන විශේෂ වැඩසටහන් නිසා අපි ආයාසයකින් තොරව මේ ජාතික මට්ටමේ ජයග්රහණය සඳහා යොමු වෙනවා .පාසල තුළ දැන් ඒක සිස්ටම් එකක් බවට පත්වෙලා. විනෝද ජනක ක්රීඩා සංගීත වැඩසටහන් රාත්රී කඳවුරු ප්රායෝගික වැඩ මුළු දරුවන් හා දෙමව්පියන් වෙනුවෙන් විශේෂ උපදෙස් වැඩසටහන් සමගින් තමයි මේ පාසලේ ඉගෙනුම් ඉගැන්වීම් ක්රියාවලිය ක්රියාත්මක වෙන්නේ. ඒ නිසාම අපේ දරුවොත් ආයාසයකින් තොරව මේ ජයග්රහණ වෙත යොමුවෙනවා. සෑම වසරකම වගේ මෙවරත් අපි මේ ප්රතිඵලය පිළිබඳව ඉතාම සතුටට පත්වෙනවා.”
විදුහල්පති අනිල් ගාමීනී විජේරත්න
මහව කලාපයේ අති දුෂ්කරම පාසලක් තමයි මේ විදිහට සෑම වසරකම ශිෂ්යත්ව විභාගයෙන් විශිෂ්ට ජයග්රහණයක් ලබන්නේ. අවුරුදු දෙකක්ම ගුරු හිඟයක් මත තමයි මේ වාර්තාගත ප්රතිඵල වලට අපි ගියේ. 2016 වර්ෂයේ දිවයිනේ ප්රථම ස්ථානය හිමි කරගත් එරියව මහින්දය 2022 වසරේ සිට අඛණ්ඩව දිවයිනේ ප්රථම ස්ථානය හිමිකර ගන්නවා.
මේ ජයග්රහණයට ප්රධාන හේතුව ගුරු මණ්ඩලයේ කැපවීම සහ දෙමව්පියන්ගේ සහයෝගයයි.මේ අති දුෂ්කර පාසල ඉදිරියට වාර්තා පිට වාර්තා පිහිටුවන්න හැකි විදියේ සැලැස්මක් හදලා මේ වන විට ක්රියාත්මක කරගෙන යනවා. සමහරසමහරවිට ලබන වසරේ පාසලේශිෂ්යත්ව විභාග ප්රතිඵලවල යම් ආශ්චර්යයක් සිදු වේවි.” යනුවෙන් ඔහු පාසලේ අනාගත බලාපොරොත්තු පිළිබඳව අපූර්ව අදහසක් ප්රකාශ කළේය
