-
හොරු අල්ලගෙන ඉන්න ආයතන සුද්ධ කරන්න යනකොට හොරු කැරළි ගහනවා… මෝටර් රථ ප්රවාහන දෙපාර්තමේන්තුවෙ සිද්ධ වුනේ ඒකයි… දුම්රිය වර්ජනයටත් හේතුව දේශපාලන ප්රශ්නයක් නෙමෙයි… ආකර්යක්ම නිලධාරීන්ගේ වැඩ බැරි කම …
හොරුන්ට නතුවී ඇති මෝටර් රථ ප්රවාහන දෙපාර්තමේන්තුව නිවැරදි කිරීම සඳහා කටයුතු කරන අවස්ථාවේ දී හොරු කැරැල්ලක් ආරම්භ කර ඇති බවත් මෝටර් රථ ප්රවාහන දෙපාර්තමේන්තුවේ අන්ර්ජාල පද්ධතිය බිඳ වැට්ටීම එම චෞර කැරැල්ලේ ප්රතිඵලයක් බවත් ප්රවාහන නියෝජ්ය ඇමති ප්රසන්න ගුණසේන ප්රකාශ කළේය.
ඔහු කීවේ දැන් කල් නිලධාරීන් වඩාගෙන පැමිණි කාලය හමාර බවය. අති මහත් බහුතර ජනතාවකගෙන් සම්මත වුන රාජ්ය යාන්ත්රණයේ වැඩපිළිවෙළ ව්යසනයට ලක් කිරීමට උත්සාහ කරන සියලු දෙනා සම්බන්ධව දැඩි පියවර ගන්නා බව අවධාරණය කළ නියෝජ්ය ඇමතිවරයා පැහැදිලිවම කීවේ හොරු සමග හැප්පෙන බවත්, හැප්පී ජනතා ජයග්රහණය තහවුරු කර යහපත් රටක් ගොඩනගන බවත්ය.
දුම්රිය වර්ජනයත් සමග ඇති වී තිබෙන තත්ත්වය පිළිබඳව අද (17) මහනුවර දුම්රිය ස්ථානයේ දී මාධ්ය අමතා අදහස් දැක්වූ නියොජ්ය ඇමතිවරයා කීවේ මේ දුම්රිය වර්ජනය ඇතිවීමට හේතුවත් දේශපාලන ප්රශ්නයක් නොව පරිපාලන දුර්වලතාවයක් බවය.
එම පරිපාලන නිලධාරීන් සම්බන්ධව ද ගත යුතු පියවර ගන්නා බව කී නියෝජ්ය ඇමතිවරයා මෙසේ ද පැවසුවේය.
අපි ආපු ගමන් නිලධාරීන් වෙනස් කරන්න හෝ මාරු කරන්න උත්හාස කළේ නෑ. අපි බලාපොරොත්තු වුනා මේ නිලධාරීන් හැදෙන්න ජනතාවගේ බලාපොරොත්තු හඳුනාගෙන ඒ එක්කක වැඩ කරයි කියලා අපි බලාපොරොත්තු වුනා.
මෙච්චර කාලයක් අපි නිලධාරීන් වඩාගෙන ගියා. සමහර නිලධාරීන් මුල්ම කාලෙදි වඩාගන්න කතා කළත් ආවෙ නෑ. ඒ ගොල්ල කලින්ම ගියා. දැන් වඩාගෙන ගිය කට්ටිය එකින් එක බස්සනවා. ඒකේ කතා දෙකක් නෑ. ජනාධිපති තුමත් කියලා තියනවා. දැන් අපි ක්රමයෙන් ඒ වඩාගෙන ගිය නිලධාරීන් බිමට බස්සනවා. බිමට බස්සලා මේක සුද්ද කරගෙන යනවා.
මාස 06ක කාලය ඇතුලේ අපි හඳුනාගෙන තියනවා පරණ පුරුදු අයින් කරලා නියමිත ආකාරයට වැඩ කරන්න පුලුවන් නිලධාරීන්. ඒ නිලධාරීන් එක්ක අපි මේ ගමන යනවා. හැබැයි ඒ සඳහා අනුගත නොවෙන නිලධාරීන් තවත් ඉන්නවා. ඒ නිලධාරීන් ගැන අනිවාර්යයෙන් ඉදිරි ක්රියාමාර්ග ගන්නවා. ඕක තමයි දැනට තියන තත්ත්වය.
උදාහරණයක් කියන්නම්. සමහර විට මාධ්ය දැනුම්වත් ඇති. මේ වෙනකොට මෝටර් රථ ප්රවාහන දෙපාර්තමේන්තුවේ සිස්ටම් එක ඩවුන්. ඩවුන් නෙමෙයි. ඩවුන් කරලා තියෙන්නේ.
මෝටර් රථ දෙපාර්තමේන්තුව ගත්තොත් එහෙම හොරු අල්ලගෙන ඉන්නේ ඒක. පැහැදිලිවම ඒක හොරුන්ට නතු වෙච්චි ආයතනයක්. අපි ඒක සම්බන්ධව වෙනස්කම් කරලා තියනවා. වෙනස්කම් එක්ක හොරු කැරළි ගහලා තියනවා. ඩීඑම්ටී එක ඇතුළෙ හොරු කැරළි ගහලා තමයි මේක ඩවුන් කරලා තියෙන්නේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ඒ නිසා අපි මේ හොරු එක්ක හැප්පෙනවා. දැන් සුද්ද කරන්න පටන් අරන් තියෙන්නේ. පටන් අරන් තියන නිසා තමයි හොරු කැරළි ගහන්න පටන් අරන් තියෙන්නේ. අපි මේකත් එක්ක හැප්පෙනවා. මේක සුද්ධ කරලා ජයග්රහණය කරනවා.
