ජයකාන්ත ලියනගේ – බළපිටිය
-
පුතා හොයාගෙන ඇවිත්… පුතාගෙ කෝ ඇහුවාම එළියට ආව තාත්තටයි දුවටයි වෙඩි තියලා… මත්ද්රව්ය ජාවාරම ප්රතික්ෂේප කිරීම නිසා වෙඩි තබා ඇති බව හෙළි වෙයි…
මීටියාගොඩ, බලිමුල්ල ප්රදේශයේ නිවසකට වෙඩි තබා එහි සිටි පියෙකුට සහ දියණියකට බරපතල තුවාල සිදු කිරීම සම්බන්ධයෙන් සැකකරුවන් 05 දෙනෙකු මීටියාගොඩ පොලීසිය ඊයේ (16) සවස අත් අඩංගුවට ගෙන තිබේ.
සැකකරුවන් බළපිටිය මහේස්ත්රාත් ආර් ඩී ජනක කුමාර වෙත අද (17) ඉදිරිපත් කිරීමට නියමිතව ඇත.
මෙසේ අත් අඩංගුවට ගෙන ඇත්තේ සොයිසා මාවත කිරලගහවෙල මිටියාගොඩ ලිපිනයේ පදිංචි කලහගේ නිලන්ත සුදේශ් නන්දන (37), මහවත්ත මීටියාගොඩ ලිපිනයේ පදිංචි පැටිඅරඹගේ අනුර පුෂ්ප කුමාර (33), හගරන්වත්ත, මැටිවල, මීටියාගොඩ ලිපිනයේ පදිංචි ඉලන්දාරිදේව අදීෂ රෂ්මික (19), අළුත්වල පාර අම්පේගම පදිංචි මධුසංඛ දේශප්රිය වීරසිංහ (24) සහ ගල්කන්දවත්ත කිරලගහවෙල මීටියාගොඩ ලිපිනයේ පදිංචි රන්පටිදේව තුෂාර පුබුදු සම්පත් (33) නැමැති 05 දෙනාය.
සැකකරුවන් විසින් වෙඩි තැබීමට යොදා ගන්නා ලද මිලිමීටර් 09 වර්ගයේ ගිනි අවියක් සහ ජීව උණ්ඩ 06 ක්, ජීව අත් බෝම්භයක් සහ අයිස් මත් දව්ය මිලිග්රෑම් 11250 ක් සැකකරුවන් සන්තකයේ තිබී පොලීසිය විසින් සොයා ගෙන තිබේ. සැකකරුවන් අම්බලන්ගොඩ, බටපොළ ප්රදේශයේ සැඟවී සිටියදී අත් අඩංගුවට ගන්නා ලද බවද මීටියාගොඩ පොලීසිය කියයි.
වෙඩි තැබීමෙන් බරපතල තුවාල ලබා ඇත්තේ මීටියාගොඩ, බලිමුල්ල ලිපිනයේ පදිංචි රවීන්ද්ර ගුණතිලක (49) සහ ඔහුගේ දියණිය වන රම්යා ගුණතිලක (29) යන දෙදෙනාය. වෙඩි වැදීමෙන් පසු දෙදෙනාම බළපිටිය මූලික රෝහලට ඇතුළත් කර තිබෙන අතර දියණිය වැඩිදුර ප්රතිකාර සදහා ගාල්ල, කරාපිටිය ශික්ෂණ රෝහලට මාරුකර යවා තිබෙන බව මිටියාගොඩ පොලීසිය කියයි.
මෙම වෙඩි තැබීම පෙරේදා (15) රාත්රි 9.20 ට පමණ සිදුව තිබෙන බව පොලිස් පරීක්ෂණ වලදී තහවුරු වී තිබේ. රවීන්ද්ර ගුණතිලක නැමැති අයගේ බඩට, පපුවට සහ කකුලකටත්, රම්යා ගුණතිලක නැමැති අයගේ කකුලකටත් වෙඩි වැදී තිබුණ බවද පොලිස් පරීක්ෂණ වලදි තහවුරු වූයේ යැයි මීටියාගොඩ පොලීසියේ ප්රකාශකයෙක් සදහන් කළේය. වෙඩි තැබීම සිදු වූ ස්ථානයේ තිබී මිලිමීටර් 09 වර්ගයේ හිස් පතුරම් කොපු 04 ක්ද මීටියාගොඩ පොලීසිය විසින් සොයා ගෙන ඇත.
වෙඩි වැදී තුවාල ලැබූ රවීන්ද්ර ගුණතිලක නැමැති අයගේ පුතා වන නුවන් ගුණතිලක නැමැති අය සොයා ගෙන වෙඩික්කරුවන් පැමිණ තිබෙන බවත් එම අවස්ථාවේදී පුතා නිවසින් එළියට පැමිණ නොමැති බවත් මීටියාගොඩ පොලීසිය කියයි. නුවන් ගුණතිලක පිළිබදව විමසූ විට නිවසින් එලියට පැමිණි පියාට සහ දියණියට වෙඩි තබා වෙඩික්කරුවන් පලාගොස් තිබෙන බවත් සිද්ධියට මත් දව්ය ජාවාරමක් පිළිබදව ගැටලුවක් හේතු වී තිබෙන බවත් පරීක්ෂණ වලදී අනාවරණය වූයේ යැයි මීටියාගොඩ පොලීසියේ ප්රකාශකයෙක් සදහන් කළේය.
නුවන් ගුණතිලක නැමැති අයට මත් දව්ය ජාවාරම් කිරීමට පවසා ඔහු ඊට අකමැති වීමක් සම්බන්ධ ගැටලුවක් මෙම වෙඩි තැබීමට හේතු වී තිබෙන බවද පරීක්ෂණ වලදී තහවුරු වූ බව එම ප්රකාශකයා වැඩි දුරටත් සදහන් කළේය.
වෙඩි වැදීමට ලක් වූ රවීන්ද්ර ගුණතිලක නැමැති අයට එරෙහිව බළපිටිය අධිකරණයේ මත් දව්ය නඩුවක්ද විභාග වෙමින් තිබෙන බවද මීටියාගොඩ පොලීසිය කියයි.
මීටියාගොඩ පොලිස් ස්ථානාධිපති පොලිස් පරීක්ෂක උදය කුමාර, උප පොලිස් පරීක්ෂකවරුන් වන ගායාන් සහ සනත් මෙන්ඩිස් ඇතුළු පිරිසක් වැඩිදුර පරීක්ෂණ පවත්වයි.
