දේශපාලන වශයෙන් තවදුරටත් වලංගු නැති සාධයක්වන ගම්මන්පිල මැතිවරණය ආසන්නයේ මාධ්යවලට මාතෘකාවක් සපයන්නට ගන්නා අනුකම්පා සහගත උත්සාහය පෙනෙනවා හැරෙන්නට ඔහු කියන කිසිම දෙයක් කිසිවෙක් ගණන් ගන්නටවත් උත්සාහ නොකරන බව ජාතික ජනබලවේගයේ විධායක සභික, මහනුවර දිස්ත්රික් නායක කේ.ඩී ලාල්කාන්ත අද (21) පැවසුවේය.
ජාතිවාදයෙන් ආගම් වාදයට, ආගම් වාදයෙන් ජාතික වාදයට විටින් විට මාරු වෙමින් හතරකොණ පටලවාගෙන ඉන්නා මේ අවලංගු චරිත මොනතරම් දැඟලුවත් පාස්කු ප්රහාරය සම්බන්ධව වත්මන් රජය පාස්කු වින්දිතයින්ට සාධාරණයක් කරන බව ඔවුන් දන්නා බව ද ඔහු පෙන්වා දුන්නේය.
මහනුවර ඊරියගම ප්රදේශයේ දී මාධ්ය හමුවේ අදහස් දක්වමින් ලාල්කාන්ත මෙසේද පැවසුවේය.
උදය ගම්මන්පිලගේ අභියෝග කවුරුවත් ගණන් ගන්නේ නැහැ. එයා දේශපාලනික වශයෙන් අවලංකු වෙච්ච කෙනෙක්. එක කාලයක් ජාති වාදය, තව කාලයක් ජාතික වාදය ආයෙත් කාලයක් ආගම් වාදය කරපින්නාගෙන මේවා ඔක්කොම පටලවාගෙන වැඩ කළ මේ අයගේ කෙරුවාව ජනතාව දැන් හොඳට දන්නවා.
මේ අය දැඟලුවත් කෑගැහුවත් නැතත් ජනාධිතිතුමත් අලුත් ආණ්ඩුවත් පාස්කු ප්රහාරයේ වින්දිතයින්ට යුක්තිය සාධාරණය ඉටු කරන බව ඒ අය දන්නවා. ඒ අය නියෝජනය කරන ආගමික ආයතන වලටත් වින්දිතයින් නියෝජනය කරන සමාජයටත් ඒ විශ්වාසය තිබෙනවා. අවලංගු කාසියක් බවට පත්ව සිටින ගමමන් පිල මේ දවස්වල මොනවාහරි කියවලා උත්සහ කරන්නේ රූපවාහිනි මාධ්ය වලට එයාගේ මුහුණ දාගන්නයි.
මෙච්චර කල් මේ වාර්තා ඇයි හංගගෙන හිටියේ කියලා ගම්මන්පිලගෙන් ප්රශ්න කරන්න ඕන. මෙච්චර කල් මේ වාර්තා හංගගෙන හිටියේ කාව ආරක්ෂා කරන්නද කියලා එයාගෙන් ප්රශ්න කරන්න ඕන. මගේ ළඟ අරවා තියෙනවා මේවා තියනවා කියමින් ඉන්නේ නැතුව වගකිව යුුතු දේශපාලනඥයෙක් විදිහට ගම්මන්පිල ඒවා බාර දෙන්න ඕන. එයාලා මොනවා කිව්වත් නැතත් මොනතරම් දැගලුවත් නැතත් පාස්කු ප්රහාරයේ වින්දිතයින්ට විශ්වාසයි තමන්ට ජනාධිපතිතුමා ප්රමුඛ ආණ්ඩුව සාධාරණය ඉටු කරන බව.
මෙම අවස්ථාවට ජාතික ජනබලවේගයේ මහනුවර දිස්ත්රික් අපේක්ෂක, දිස්ත්රික් විධායක සභික වෛද්ය හංසක විජේමුණි ද මෙම අවස්ථාවට සහභාගි විය.
