බලන බ්රහස්පතින්දා (23) වනවිට ඉන්දියාවෙන් ආනයනය කරන ලද පළමු බිත්තර තොගය පාරිභෝගිකයන් අතට පත් කිරීමට හැකිවනු ඇති බව වෙළෙඳ අමාත්ය නලින් ප්රනාන්දු පැවසීය.
අද පාර්ලිමේන්තුවේදී මන්ත්රීවරයකු නැගූ ප්රශ්නයකට පිළිතුරු දෙමින් මේ බව සඳහන් කළ අමාත්යවරයා ශ්රි ලංකාව මෙම බිත්තර ඉන්දියාවෙන් ආනයනය කරනු ලබන්නේ මහා පරිමාණ ආහාර නිෂ්පාදන සමගාම්වලට බිත්තර අපනයනය කරන සමාගම්වලින් බවත් බිත්තර සඳහා අදාල තත්ත්ව සහතික සහිතව මෙරටට ගෙන්වන බවත්ය.
මෙම බිත්තර තොගය ට අදාළ නිරෝධායන පරීක්ෂාවන් සඳහා දින තුනක කාලයක් බලධාරීන් ඉල්ලා ඇති බව ද ඇමතිවරයා පැවසුවේය.
මේ වනවිට රටේ දැවැන්ත බිත්තර හිගයක් පවතින අතර පාර්ලිමේන්තුවේ පවා පසුගිය සති දෙකක කාලයක් තුළ බිත්තර නොමැති බව සඳහන් කළ වෙළෙඳ අමාත්යවරයා රටේ ජනතාවට අත්යව්යය භාණ්ඩ හිඟවන විට ඒවා ආනයනය කර හෝ ලබා දීම තම වගකීම බව ප්රකාශ කළේය.
ඉදිරියේදී එලඹෙන උත්සව සමයට අවශ්ය ආහාර ද්රව්ය හිගයකින් තොරව සැපයීම ට තමන් කටයුතු කළ බවද ඔහු එහිදී පැවසීය
