ෆ්රැන්සිස් පාප් වහන්සේගේ ශ්රී දේහය රෝමයේ ඩි සැන්ටා මාරියා මැගියෝර් බැසිලිකාවෙහි තැන්පත් කළ බව වතිකානුව අද පැවසීය.
“රෝම පාප් වහන්සේගේ අවමංගල්ය චාරිත්රය” දේශීය වේලාවෙන් ප.ව. 1 ට ආරම්භ වූ අතර, උන්වහන්සේගේ අවමංගල්ය කටයුතු සම්පාදනය කිරීමේ වගකීම පැවරී තිබුනේ “කැමරලෙන්ගෝ” කෙවින් ෆැරල් කාදිනල්තුමා වෙතය. උන්වහන්සේගේ ප්රධානත්වයෙන් ෆ්රැන්සිස් පාප්වහන්සේ ගේ අනුප්රාප්තිකයා තෝරා ගැනීම සඳහා ඉක්මනින් සම්මේලනයක් සංවිධානය වනු ඇති බව විදෙස් මාධ්ය පවසයි.
අවමංගල්ය උත්සවය දේශීය වෙලාවෙන් පස්වරු 1.30 ට අවසන් වූ බව වතිකානුව තවදුරටත් පැවසීය.
සියවසකට වැඩි කාලයක් තුළ වතිකානුවේ බිත්තිවලින් පිටත තැන්පත් කරන ලද පළමු පාප් වහන්සේ ෆ්රැන්සිස් පාප් වහන්සේය. උන්වහන්සේ ගේ අවසන් කැමැත්ත ලෙස උන්වහන්සේ ඉල්ලා සිටියේ ඔහුගේ සොහොන “ෆ්රැන්සිස්කස්” යන වචනයෙන් පමණක් කොටා තබන ලෙසය.
මෙම සතිය මුලදී වයස අවුරුදු 88 දී අභාවප්රාප්ත ෆ්රැන්සිස් පාප් වහන්සේට ගෞරව දැක්වීම සඳහා සෙනසුරාදා වතිකානුවේ ශාන්ත පීතර චතුරශ්රය වෙත ලොකයේ ප්රභූ ආගමික නායකියින්, දේශපාලකයින් ඇතුළු 250,000 කට අධික බැතිමත්හු එක් වූහ.
දේශීය වේලාවෙන් පෙ.ව. 10 ට ටික වේලාවකට පසු ශාන්ත පීතර බැසිලිකාවේ දී දේව මෙහෙය ආරම්භ වූ අතර එය පැය දෙකකට වඩා වැඩි කාලයක් පැවතුනි.
කතෝලික පල්ලියේ ජ්යෙෂ්ඨතම චරිතයක් වන ජියෝවානි බැටිස්ටා රේ කාදිනල් තුමා ආගමික ගීතිකා මාලාවක්, චිත්තවේගීය දේශනයක් සහ පළමු ලතින් ඇමරිකානු පාප් වහන්සේ වූ උන්වහන්සේට අවසන් සමුගැනීමක් සමඟ එම සරල උත්සවයට නායකත්වය දුන්හ.
ඉන්පසු ෆ්රැන්සිස් පාප්වහන්සේ ගේ චාම් සරල මිනී පෙට්ටිය ටයිබර් ගඟ හරහා සුදු පැහැති පෝප් මොබයිල් රථයකින් ප්රවාහනය කරන ලද අතර එය රෝමයේ ඩි සැන්ටා මාරියා මැගියෝර් බැසිලිකාවේ තැන්පත් කරන ලදී. එය ඉතාලි අගනුවර උසම ස්ථානයේ පිහිටා ඇති ආලෝකමත් බැසිලිකාවකි.
පාප් වහන්සේගේ අවමංගල්ය උත්සවය මෑත වසරවල ලෝක නායකයින්ගේ විශාලතම රැස්වීම්වලින් එකක් නිර්මාණය කළේය. ජනාධිපතිවරුන් සහ රජවරුන් ඇතුළු නියෝජිතයින් 130 ක් එම අවස්ථාවට සහභාගී වූහ. ආර්ජන්ටිනා ජනාධිපති ජේවියර් මිලෙයි, බ්රිතාන්යයේ විලියම් කුමරු, යුරෝපීය කොමිසමේ සභාපති උර්සුලා වොන් ඩර් ලේයන්, එක්සත් ජනපද ජනාධිපති ඩොනල්ඩ් ට්රම්ප් සහ යුක්රේනයේ ජනාධිපති වොලොඩිමියර් සෙලෙන්ස්කි යන අය ඉහළම පෙළේ අමුත්තෝ ඒ අතර වූහ.
