-
පෙළපාළියකින් කොම්පඤ්ඤවීදියේ සිට කොටුව මහේස්ත්රාත් අධිකරණය භූමියට එනවලු
විපක්ෂ දේශපාලන පක්ෂ කිහිපයක සහ සිවිල් සමාජ කණ්ඩායම් කිහිපයක තරුණ අංශ සන්ධානයක්, හිටපු ජනාධිපති රනිල් වික්රමසිංහ සම්බන්ධ අධිකරණ නඩු විභාගයට සමගාමීව හෙට කොළඹට ආධාරකරුවන් එක්රැස් කිරීමට සැලසුම් කර ඇති බව නිවේදනය කර තිබේ.
සිය පුද්ගලික සංචාරයක් තුළ එක් රැයක් ගත කිරීම සඳහා මහජන මුදල් රුපියල් එක් කෝටි හැට හය ලක්ෂයක් වියදම් කිරීම පිළිබඳව පොදු දේපල පනත යටතේ පැනවූ නඩුවකට අදාලව අත් අඩංගුවට ගෙන රක්ෂිත බන්ධනාගාරගත කළ හිටපු ජනාධිපතිවරයාගේ නඩු දිනය එළඹෙන හෙට (26) අධිකරණ ශාලාවට ඉදිරියට ජනතාව රැස කිරීමේ අභිලාෂය මෙම මාධ්ය හමුවේ දී එම දේශපාලන සංවිධාන ප්රකාශයට පත් කළේය.
හැකිනම් මේ බලවේගය නවත්වන ලෙසද අද ප්රවෘත්ති සාකච්ඡාව කැඳවා තිබූ පිරිස් රජයට අභියෝග කරන ආකාරය ද ප්රකට විය.
රනිල් වික්රමසිංහ බන්ධනාගාරගත කිරීමේ තීන්දුවට විරෝධය පල කිරීම සදහා අධිකරණ ශාලාව ඉදිරිපිට පිරිස් රැස් කරන කණ්ඩායම් අතර ශ්රී ලංකා පොදුජන පෙරමුණ (SLPP) තරුණ පෙරමුණ, ලංකා කම්කරු කොංග්රසය (CWC), සමගි ජන බලවේගය (SJB), ලංකා ජනතා පක්ෂය, සර්වජන බලය, එක්සත් ජාතික පක්ෂය (UNP), ශ්රී ලංකා හරිත පක්ෂය, ප්රගතිශීලී තරුණ ව්යාපාරය සහ තවත් සංවිධාන කිහිපයක් ඇතුළත් වේ.
අද පැවති මාධ්ය හමුවකදී අදහස් දක්වමින් සමගි ජන බලවේගයේ චරිත් අබේසිංහ පැවසුවේ සාමූහික විපක්ෂය කොටුව මහේස්ත්රාත් අධිකරණය දෙසට පෙළපාළි යාමට පෙර කොම්පඤ්ඤ වීදියේ රැස් වීමට සැලසුම් කර ඇති බවය. ප්රජාතන්ත්රවාදය ආරක්ෂා කරගැනීමට මේ විරෝධය පළ කරන බව චරිත් අබේසිංහ පැවසුවේය.
ශ්රී ලංකා පොදුජන පෙරමුණේ තරුණ පෙරමුණේ කැඳවුම්කරු හේමන්ත ශ්රීලාල් කීවේ ද විරෝධතාවයේ අරමුණ හිටපු ජනාධිපති වික්රමසිංහ රැකගැනීම නොව ප්රජාතන්ත්රවාදී මූලධර්ම ආරක්ෂා කිරීම බවය.
සර්වජන බලය නියෝජනය කරන දොන් වනිගසූරිය ප්රකාශ කළේ විරෝධතාවයට ඔවුන්ගේ සහභාගීත්වය දේශපාලන මර්දනයට එරෙහි පුළුල් සටනක කොටසක් බවය. ප්රජාතන්ත්රවාදී නිදහස ආරක්ෂා කිරීම සඳහා එකමුතුව නැගී සිටින බවත් ඔහු කිවේය.
