තමන් පොහොට්ටු ආණ්ඩුවේ නියෝජ්ය ඇමති ධුරයක් ගත්තේ රට ස්ථාවර කර බේරා ගැනීම සඳහා රට වෙනුවෙන් කරන දැවැන්ත කැපකිරීමක් ලෙස බව ශ්රී ලංකා නිදහස් පක්ෂයෙන් රහසේ ඉවත් වී ඊයේ රාත්රියේ ජනාධිපතිවරයා ඉදිරියේ කෘෂිකර්ම රාජ්ය ඇමතිකමේ දිවුරුම් දුන් ශාන්ත බණ්ඩාර මාධ්ය අමතා පැවසුවේය.
මේ අවස්ථාවේ රට අරාජික නොකර ජනාධිපතිවරයා ශක්තිමත් කිරීමේ ජාතික වගකීම ඉටු කළ ආකාරය ඔහු මාධ්ය හමුවේ මෙසේ විස්තර කළේය.
“මා නියෝජනය කරන ශ්රී ලංකා නිදහස් පක්ෂය ප්රමුඛ ස්වාධීන වූ මන්ත්රී කණ්ඩායම උත්සාහයක් දැරුවා අන්තර් පාලන ආණ්ඩුවක් බිහි කරන්න. එම වැඩපිළිවෙළේ මම හිටියා. “
“ නමුත් බොහොම පැහැදිලියි… අන්තර්කාලීන ආණ්ඩුව නිර්මාණයකිරීම සඳහා වූ කැපකිරීම කරන්නත් සමහර අය පස්ස ගහනවා. ඒකෙන් වෙන්නෙ රට දවසින් දවස අරාජික වෙනවා.
මේ වෙලාවෙදි මම හිටගන්න ඕන රට අරාජික වෙන පැතතේ ද රට ස්ථාවරව තියන පැත්තෙ ද කියන හෘදය සාක්ෂියට එකඟ තීන්දුව මට ගන්න තිබුණා. අති ගරු ජනාධිපති තුමා මට එන්න කිව්වා. මම එතුමට කිව්වා ස්වාධීනව ඉන්න මන්ත්රීවරයෙක් හැටියට මේ රට ස්ථාවරභාවයේ තියාගෙන යන්න අවශ්ය සහයෝගය සහ මගේ කැපකිරීම මා කරන්න කැමතියි කියලා.“
“අතිගරු ජනාධිපතිතුමා විශේෂයෙන් කිව්වා වංචා දූෂණවලට සම්බන්ධ නැති මහජන නියෝජිතයෙක් හැටියට කරුණාකරලා මේ වෙලාවෙදි ගොවි ජනතාවගේ ප්රශ්නය බාරගන්න කියලා. ඒ අනුව තමයි මේ තීරණය ගත්තේ. “
“මේක මගෙ පෞද්ගලික පටු පරමාර්ථ වෙනුවෙන් ගත්ත තීන්දුවක් නෙමෙයි. අපේ රට වෙනුවෙන් ගත්තු තීන්දුවක්. රට ස්ථාවර කිරීම සඳහා ගත්තා වූ තීන්දුවක්.
කෙසේ වෙතත් මේ වනවිට අභ්යන්තර ආරංචි මාර්ග හෙළි කර ඇත්තේ ස්වාධීන වූ එක් මන්ත්රීවරයෙක් රජයට යළි සම්බන්ධ කර ගැනීම සඳහා රුපියල් කෝටි දහසකට ආසන්න පැකේජයක් පිරිනැමෙන බවය.
මේ වනවිට ශ්රී ලංකා නිදහස් පක්ෂය තුළ ශාන්ත බණ්ඩාර මන්ත්රීවරයා දැරූ සියලු තනතුරුවලින් ඔහුව නෙරපා තිබේ.
කියවන්න..
වෙන්දේසිය ක්රියාත්මකයි… ඔළුවකට කෝටි 100යි… ආණ්ඩුවේ ඇමතිවරු දෙදෙනෙක් මෙහෙයුම කරට ගනී…
.
