හම්බන්තොටට ෆයිසර් විදිල්ල අවිද්‍යාත්මක වැඩක්! – විශේෂඥ වෛද්‍යවරු කියති

සයිනෝෆාම් එන්නත මගින් ඉතා හොඳ ප්‍රතිශක්තියක් ජනනය වන පසුබිමක් තුළ වයස අවුරුදු 20ත් 30ත් තිහත් අතර කණ්ඩායමට ෆයිසර් (Pfizer) එන්නත ලබා දීම ඉතා අවිධිමත් මෙන්ම විද්‍යාත්මක දත්ත අභිභවා යාමක් ලෙස බව සඳහන් කරමින් ශ්‍රි ලංකා විශේෂඥ වෛද්‍යවරුන්ගේ සංගමය සෞඛ්‍ය සේවා අධ්‍යක්ෂ ජනරාල්වරයාට ලිපියක් යවා ඇත. හම්බන්තොට දිස්ත්‍රික්කයේ වයස අවුරුදු 20ත් 30ත් අතර පුද්ගලයන්ට ෆයිසර් එන්නත් ලබා දීම සම්බන්ධයෙන් සෞඛ්‍ය සේවා අධ්‍යක්ෂ ජනරාල්වරයා විසින් නිකුත් කරන ලද ලිපිය අභියෝගයට ලක් කරන එම සංගමය අවධාරණය කරන්නේ එනනත්කරණ ක්‍රියාවලිය පිළිබඳ තීරණ ගන්නන් විසින් ඒ සඳහා සෞඛ්‍ය අමාත්‍යංශයේ බෝවන රෝග පිළිබඳ විශේෂඥ උපදේශක කමිටුව ලෝක සෞඛ්‍ය සංවිධානයේ අනුමැතිය ඇතිව ඉදිරිපත් කර ඇති උපදෙස් මාලාව පිළිපැදීම අත්‍යවශ්‍ය බවය.

එහිදී එන්නත්කරණ ක්‍රියාවලියේදී දී ප්‍රමුඛත්වය දිය යුත්තේ ජීවිත අහිමි වීම වැළැක්වීම සහ දැඩි ලෙස රෝගාතුර වීම මගින් සිදුවන රෝහල් ගතවීම් අවම කිරීම බව එම ලිපිටයෙන් සඳහන් කරන විශේෂඥ වෛද්‍යවරුන්ගේ සංගමය ප්‍රධාන කරුණු තුනක් සෞඛ්‍ය සේවා අධ්‍යක්ෂ ජනරාල්වරයාගේ අවධානයට යොමු කර ඇත.
1. එන්නත්කරණ ක්‍රියාවලියේදී ප්‍රමුඛත්වය දිය යුත්තේ ජීවිත අහිමි වීම වැළැක්වීම සහ දැඩි ලෙස රෝගාතුර වීම මගින් සිදුවන රෝහල් ගතවීම් අවම කිරීමයි. මේ සඳහා අප විසින් කළ යුතු වන්නේ වෛරසයට ගොදුරු වී සංකූලතා ඇති වීමේ වැඩි හැකියාවක් ඇති අය, එනම් වයස අවුරුදු 60 ට වැඩි අය සහ අනෙකුත් බෝ නොවන රෝගාබාධවලින් පෙළෙන පුද්ගලයින් සඳහා එන්නත්කරණයේදී ප්‍රමුඛස්ථානය ලබා දීමයි. එන්නත්කරණ ක්‍රියාවලිය මුලදීම අප විසින් යෝජනා කර තිබුණේ එය නිසි ලෙස ක්‍රියාත්මක නොවීම නිසා අප දැනට මුහුණ පා ඇති ව්‍යසනයට ලක් වී සිටිමු. කෙසේ වුවද වයස අවුරුදු 60 ට වැඩි අයට ප්‍රමුඛස්ථානය දීමට ප්‍රමාද වී හෝ ගත් පියවර අපි අගය කරමු. එහෙත් එන්නත්කරණය සම්පූර්ණ කර ඇති පුද්ගලයන්ගෙන් යම් කොටසක් තවදුරටත් රෝගයට ගොදුරු වන අතර මෙමගින් රෝහල්වල සාමාන්‍ය ඇඳන් පිරෙන අතරම තවමත් දැඩි සත්කාර ඒකකවල ඇඳන් අවශ්‍ය කොවිඩ් රෝගීන්ගේ අඩුවක් දක්නට නැත.

2. අප මෙහිදී තවදුරටත් අවධාරණය කළ යුතු කරුණක් වන්නේ එන්නත්කරණය කිරීම විද්‍යාත්මක ලෙස කිරීම ඉතා වැදගත් වන බවයි. එහිදී නිසි ක්‍රියා මාර්ගය වන්නේ එන්නත් නොලැබ සිටින, රෝගයට ගොදුරු වීමේ වැඩි අවදානමක් ඇති අය සඳහා ප්‍රමුඛත්වය ලබා දීම සහ ඉන් පසුව දැනට එන්නත්කරණය සම්පූර්ණ කර ඇති එහෙත් තවමත් අනිකුත් ආබාධ නිසා රෝගයට ගොදුරු වීමට වැඩි හැකියාවක් ඇති අය සඳහා තුන්වන මාත්‍රාවක් ලබා දීමයි. මෙහිදී බහරේනයේ කර ඇති පර්යේෂණ දත්ත සහ මහාචාර්ය නීලිකා මලවිගේ මහත්මියගේ පර්යේෂණ කණ්ඩායමේ දත්ත වලින් සනාථ වී ඇත්තේ සයිනෝෆාම් Sinopharm එනaනත ලබා ගත් අයගේ ප්‍රතිශක්තිකරණ ක්‍රියාවලිය වයස අවුරුදු 60 ට අඩු අයගේ හොඳින් සිදුවන නමුත් වයස අවුරුදු 60ට වැඩි අයගෙන් සුළුතරයක් එහි යම්කිසි අඩු අගයක් පෙන්නුම් කරන බවයි. මේ නිසා එම කණ්ඩොයම නිරෝගී බවට පත්වීම,රෝහල් ගත වීම සහ මරණයට පත්වීම සඳහා වැඩි ප්‍රවණතාවක් පෙන්නුම් කරති. මෙම ප්‍රවණතාව sinopharm එන්නත ලබොගත් අය සඳහො වැඩි බවත් Pfizer, moderna හෝ Astra Zeneca එනනත් සඳහා එය මෙම හෝ අඩු ප්‍රවණතාවක් ඇති බවත් ඉහත කාණ්ඩ දෙක මඟින්ම පෙන්වා දී ඇත. මෙහිදී තවත් වැදගත් කරුණක් ලෙස අප අනෙකුත් අතුරු ආබාධවලින් පෙළෙන රෝගීන් එනම් වකුගඩු බද්ධ කිරීම, පිළිකා රෝග සඳහා ප්‍රතිකාර ලබමින් සිටින අය සහ තවත් එවැනි තම ශරීරයේ ප්‍රතිශක්තිකරණය දුර්වලකම් ඇති අයගේ sinopharm එනනත් මාත්‍රා 2 මගින් තමන්ට අවශ්‍ය නිසි ප්‍රතිශක්තිකරණය සම්පූර්ණයෙන් නොලැබෙන බවයි. මෙම කණ්ඩායම් සඳහා Pfizer, Astra zeneca හෝ Moderna එනනත තෙවන මාත්‍රාව ලෙස ලබා දීම අත්‍යවශය බව අපි යෝජනා කරමු.

3. අපට ලැබී ඇති Astra Zeneca සහ mRNA එන්නත් ප්‍රමාණය ඉතා සීමාසහිතය. මෙම තත්ත්වය යටතේ සාමාන්‍ය සෞඛ්‍යයෙන් හෙබි Sinopharm එන්නත මගින් ඉතා හොඳ ප්‍රතිශක්තියක් ජනනය වන, වයස අවුරුදු 20ත් 30ත් අතර කණ්ඩායමට ෆයිසර් (Pfizer) එන්නත ලබා දීම ඉතා අවිධිමත් මෙන්ම විද්‍යාත්මක දත්ත අභිභවා යාමක් ලෙස සැලකිය හැකිය. එන්නත්කරණ ක්‍රියාවලිය සඳහා අවශ්‍ය උපදෙස් ඒ සඳහා දැනුම් සම්භාරයක් ඇති සෞඛ්‍ය අමාත්‍යංශයේ බෝවන රෝග පිළිබඳ විශේෂඥ උපදේශක කමිටුව මගින් ලබා දිය යුතු වන අතර, එම ලබා දුන් උපදෙස් නිසි පරිදි ක්‍රියාත්මක නොකිරීම නිසා වයස 60ට වැඩි පුද්ගලයින්ගේ මරණ සංඛ්‍යාව දැනට වැඩි වී ඇති අතර ඊට හේතු ලෝක ව වයස අවුරුදු 60ට වැඩි අයට එන්නත ලබා දීමට ප්‍රමුඛතාව නොදී එය වයස අවුරුදු 30ත් 60ත් අතර කණ්ඩායමට ලබාදීම මගින් අවදානම් වැඩි අයට එන්නත ලැබීම ප්‍රමාද වීමයි.