සූරියවැව නුවන් ජයසේකර –
-
කඩදාසි රහිත ස්වයංක්රිය වරාය පිවිසුම් අවසරපතක් හදුන්වා දුන් ලකාවේ එකම ජාත්යන්තර වරාය බවට හම්බන්තොට වරාය පත්වෙයි.
ඩිජිටල් පරිවර්තන ගමනේ වැදගත් සන්ධිස්ථානයක් සනිටුහන් කරමින් හම්බන්තොට ජාත්යන්තර වරායට (HIP) පිවිසෙන සියළු දෙනා වෙනුවෙන් QR කේත මත පදනම් වූ ස්වයංක්රීය කඩදාසි රහිත වරාය පිවිසුම් අවසරපත් පද්ධතියක් (AGPMS) හදුන්වා දීමට හැකි විම තුළින් වරාය මෙහෙයුම් කාර්යක්ෂමතාව, ආරක්ෂාව සහ ප්රවේශ වීමේ පහසුව ඉතා ශක්තිමත් වූ බව හම්බන්තොට ජාත්යන්තර වරාය සමූහයේ (HIPG) ප්රධාන විධායක නිලධාරී විල්සන් ක්ව් පැවසිය.
සම්පූර්ණයෙන් ස්වයංක්රීය කඩදාසි රහිත ගේට් පාස් විසඳුමක් ලබා දුන් ප්රථම ශ්රී ලාංකීය වරාය බවට මේ වන විට හම්බන්තොට ජාත්යන්තර වරාය පත්ව ඇති බවත්,මේ තුළින් වරායේ කාර්යක්ෂමතාව වැඩි කර ගැනීමට හා අපතේ යන කාලය ඉතිරි කර ගැනීමට හැකිව ඇති බවත් ප්රධාන විධායක නිලධාරී වරයා මෙහිදී පැවසිය.
සාම්ප්රදායික මුද්රිත අවසරපත ප්රතිස්ථාපනය කරන QR කේත මත පදනම්ව සාදා ඇති මෙම AGPMS පද්ධතිය මගින් වරායේ සෑම දොරටුවකින්ම ආරක්ෂිතව සහ පහසුවෙන් වරායට ප්රවේශ වීමට හැකියාව පවතින අතර සැකසුම් කාලය, මානව දෝෂ සහ පරිපාලන සංකීර්ණතා සැලකිය යුතු ලෙස අවම කර වරාය තුළ රථවාහන තදබදයද ලිහිල් කරමින් වඩාත් පාරිභෝගික හිතකාමී සහ විධිමත් ක්රියාවලියක් ලබාදිමට මෙම පද්ධතිය උපකාරී වී ඇති බවත් , මෙම ප්රයත්නය ස්මාර්ට් මෙහෙයුම් සඳහා වරායේ දිගුකාලීන දැක්ම පිළිබිඹු කරන බවත් ඔහු වැඩිදුරටත් පැවසීය.
“ස්වයංක්රීය ගේට් පාස් කළමනාකරණ පද්ධතිය අපගේ සමස්ත ස්මාර්ට් වරායක් බිහිකිරීමට කළ මුලපිරීමේ ප්රධාන සන්ධිස්ථානයක්. වැඩි ආරක්ෂාව සහ ඉහළ කාර්යක්ෂමතාව තහවුරු කරමින් අපගේ මෙහෙයුම් ලොව විශිෂ්ඨ පිළිවෙත් සමඟ පෙළගැස්වීමට මෙම පද්ධතිය රුකුලක් වනවා. පද්ධතිය මඟින් යථාකාලීන අධීක්ෂණය සහ ඉහළ අනුකූලතාවද සහතික කිරීමට හැකියාව පවතිනවා. මේ තුළින් වරාය වෙත ප්රවේශය හොඳින් පාලනය වී වරාය මෙහෙයුම් හරහා වැඩි වගකීමක්ද ඇති කිරීමට හැකිවනවා.” හම්බන්තොට ජාත්යන්තර වරාය සේවා (HIPS) සාමාන්යාධිකාරී කපිතාන් මියුරු ගුණසේකර සඳහන් කළේය.
