ශ්රියානි විජේසිංහ –
වෛද්යවරුන්ගේ වාර්ෂික ස්ථානමාරු ක්රියාවලියක් මුල්කරගෙන කොළඹ ජාතික අක්ෂි රෝහලේ වෛද්යවරුන් අද (22) උදෑසන 8.00 සිට සංකේත වැඩ වර්ජනයක් ආරම්භ කිරීම හේතුවෙන් ප්රතිකාර සඳහා පැමිණෙන රෝගීන් මහත් අපහසුතාවකට පත්ව ඇතැයි වාර්තාවේ.
රෝහලේ බාහිර රෝගී අංශයන සහ සායනික කටයුතුවල නිරත වන වෛද්යවරුන් 120ක් පමණ දෙනා වැඩ වර්ජනයට සහභාගි වී සිටින බැවින් ප්රතිකාරයන් මුළුමනින්ම ඇනහිට ඇත.
බාහිර රෝගී අංශයට සහ සායනයන් සඳහා දිනපතා රෝගීන් 1500ට අධික පිරිසක් පැමිණෙන බැවින් ඔවුන් මේ වන විට ප්රතිකාර ලබා ගැනීමට නොහැකිව දැඩි අපහසුතාවකට පත්ව ඇති බව රෝහල් ආරංචි මාර්ග සඳහන් කරයි.
රෝහල් අධ්යක්ෂ වෛද්ය ජයරුවන් බණ්ඩාරගෙන් ලංකාසර කළ විමසුමකදී ඔහු සඳහන් කළේ සෞඛ්ය අමාත්යංශයේ නියමිත චක්රලේඛයන්ට අනුකූලව ක්රියාත්මක කරන වෛද්යවරුන්ගේ ස්ථානමාරු ක්රියාවලිය මගින් ස්ථානමාරු ඉල්ලුම්කළ වෛද්යවරුන් දෙදෙනෙකුට සහ වසර 10ට ආසන්න කාලයක් රෝහල තුළ සේවය කළ වෛද්යවරුන් හතර දෙනෙකුට ස්ථානමාරු ලබා දීමට සිදුවූ බැවින් එයට විරෝධය පළ කරමින් වෛද්යවරුන් මෙසේ වැඩවර්ජනයක් ආරම්බ කර ඇති බවකි.
රෝහල තුළ අනුමත වෛද්යවරුන් සංඛ්යාව 121ක් වුවද මේ වන විට වෛද්යවරුන් 125ක් සිටින බැවින් අතිරික්කත වෛද්යවරුන් 4 දෙනෙකුට වැටුප් ගෙවීම බරපතල ගැටලුවක් වී ඇති බැවින් මෙම ස්ථානමාරුව නිසි ක්රමවේදයට අනුව ක්රියාත්මක කළ බවකි.
මෙලෙස ලබා දුන් ස්ථානමාරුවිමට අනුව රෝහලේ කිසිදු ඒකකය කටයුතු බිඳවැටීමක් නොවන බව විශේෂඥ වෛද්යවරුන්ගෙන් පවා කරුණු විමසා මෙම ස්ථානමාරුව ක්රියාත්මක කළ බවද අධ්යක්ෂවරයා පැවසුවේය.
මෙම වැඩ වර්ජනය සම්බන්ධයෙන් ලංකාසර රජයේ වෛද්ය නිලධාරින්ගේ සංගමයේ මාධ්ය ප්රකාශක වෛද්ය චමිල් විජේසිංහගෙන් විමසු කළ ඔහු සඳහන් කළේ වෛද්යවරුන්ගේ ස්ථානමාරු ක්රියාවලිය විධිමත්ව සිදුකරමින් පවතින අවස්ථාවක අවධිමත් ලෙස වෛද්යවරුන්ට ස්ථාමාරු ලබා දීමට කටයුත් කිරීමට විරෝධය පල කරමින් මෙම වැඩ වර්ජනය ආරම්භ කළ බවකි.
වැඩ වර්ජනය ක්රියාත්මක වුවද හදිසි ප්රතිකාරයන් ඒ අයුරින් සිදුකරන බවද හෙතෙම අවධාරණය කරයි.
මේ අතර රෝහලේ හෙද හෙදියන් සහ කණිෂ්ඨ කාර්ය මණ්ඩ සාමාජිකයින් කියා සිටින්නේ සෞඛ්ය අමාත්යංශය මගින් නියමිත චක්රලේඛයන්ට අදාලව ලබා දී ඇති වෛද්ය ස්ථානමාරුවිම් ඒ අයුරින්ම ක්රියාත්මක කරන ලෙසය.
