චීන රජය විසින් එරට ජනතාවට හදිසි අවස්ථාවකට මුහුණ දීමට හැකිවෙන ලෙසින් දෛනික ජන ජීවිතය පවත්වාගෙන යාමට අත්යාවශ්ය ද්රව්ය සංචිතයක් පවත්වාගෙන යන මෙන් විශේෂ ඉල්ලීමක් කර තිබේ.
එරට වාණිජ අමාත්යංශ්ය විසින් සඳුදා පස්වරුවේදී මෙම විශේෂ නිවේදනය නිකුත් කිරීමත් සමඟ එරට ජනතාව විශාල වශයෙන් භාණ්ඩ තොග රැස්කර තබා ගැනීමට පෙළඹී ඇති බවද විදෙස් මාධ්ය වාර්තා කරයි.
ඒ අනුව ඇතැම් පිරිස් සහල්, එළවළු, ලුණු ඇතුළු ආහාර ද්රව්ය ඉතා විශාල වශයෙන් මිලදී ගැනීම සිදු කර ඇති බවත් ඒත් සමඟම එරට ජනතාව තුල යම් චකිතයක් නිර්මාණය වී ඇති බවටද වාර්තා වේ.
මේ අතර චීන මාධ්ය විසින් ජනාතව විසින් රැස් කරගතයුතු භාණ්ඩ ලෙස බිස්කට්, ක්ෂණික නූඩ්ල්ස්, විටමින්, බැටරි වැනිදා රැස්කරගන්නා ලෙස භාණ්ඩ ලයිස්තුවක්ද ප්රකාශයට පත්කිරීමත් සමඟ තත්ත්වය වඩාත් උණුසුම් වී ඇති බවට වාර්තා වේ.
ඒ අනුව පසු එරට මාධ්ය ආයතනය හට ජනතාවට කලබලයට පත්නොවන ලෙසත් අවශ්ය භාණ්ඩ අඛණ්ඩව සැපයීම සිදුකරන බවට නිවේදනය කිරීමට සිදුව ඇති බවටද විදෙස් මාධ්ය සඳහන් කරයි.
කෙසේ වෙතත් චීනය රජය විසින් මෙම නිවේදනය නිකුත් කර ඇත්තේ ඉදිරියේදී ඇතිවිය හැකි අයහපත් කාලගුණ තත්ත්වය සහ යම් හෙයකින් සංචරණ සීමා පැනවීමට සිදු වුවහොත් ඊට මුහුණ දීමට බවද එරට මාධ්ය වැඩිදුරටත් ප්රකාශ කර ඇති බවද වාර්තා වේ.
මේ අතර චීන රජය විසින් එරට තුල අඛණ්ඩව ආහාර සැපයීමට හැකිවන අයුරින් ආහාර සංචිත පවත්වාගෙන යාමට මේවන විටත් පියවරගෙන ඇති බවත් ආහාර තොග රැස්කරගන්නා ලෙස වාණ්ජ අමාත්යංශය සියලුම ප්රාදේශීය බලධාරීන් වෙත උපදෙස් දී ඇති බවද සඳහන්ය.
